Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ута Цапф шутит… 17:29, 28/05/2003, Сергей Пульша, «Белорусские новости»
Белорусскую демократию и свободу слова рабочая группа Парламентской ассамблеи ОБСЕ почувствовала на себе. Тем не менее, она замечает положительные сдвиги в белорусской ситуации. Особенно в отношении ее приема в Беларуси.
Уласны сцэнар 15:18, 28/05/2003, Людміла Гразнова, каардынатар Хартыі’97 па правох чалавека
З дзьвюх тэмаў канфэрэнцыі, што адбылася ў Кіеве, “Падыходы грамадзянскай супольнасьці ў разьвіцьці свабоды слова” і “Досьвед супрацоўніцтва дзяржаўных інстытутаў і грамадзянскае супольнасьці”, спынюся спачатку на больш агульнай -- другой. Дзяржаўныя інстытуты ў Беларусі – гэта прэзыдэнцкая ўлада ў адзіным ліку. Ні парлямэнт, не ўключаючы Вярхоўны Савет 12 і 13 скліканьня, незалежным дзяржаўным інстытутам не зьяўляецца. Ні суд не цягне на дзяржаўны інстытут, здольны стрымліваць іншыя галіны ўлады. Ні Кабінэт міністраў, галіновы аддзел Адміністрацыі прэзыдэнта, не вядзе самастойную эканамічную палітыку. Ні дзяржаўныя СМІ, асабліва радыё і тэлевізія, ня могуць прэтэндаваць на “чацьвёртую ўладу”. Прэзыдэнцкая ўлада -- гэта ЦК кампартыі, надзелены ўсімі палітычнымі, эканамічнымі і ідэалягічнымі правамі, але ў адрозьненьні ад яго, улада, якая вядзе прыватнапрадпрымальніцкую дзейнасьць, прыхаваную дзяржаўнай уласнасьцю.
Суд Ленінскага раёну Горадні адклаў на няпэўны тэрмін разгляд справы па скарзе старшыні Гарадзенскага абласнога грамадзкага аб`яднаньня "Ратуша" Алеся Мілінкевіча да адміністратыўнай камісіі. Прычынай адкладу справы зьяўляецца тое, што адказчык па скарзе, прадстаўнік камісіі Ленінскага раёну сп. Радчанка-Юрэчка захварэў на менінгіт, які гэтымі днямі лютуе ў горадзе.
Беларуская асцыяцыя журналістаў 27 траўня выступіла з заяваю ў сувязі з узмацненьнем рэпрэсіяў адносна незалежных СМІ і журналістаў. На мяжы закрыцьця пяць недзяржаўных выданьняў - "Белорусская деловая газета", "БДГ. Для служебного пользования", "Народная воля", "Вечерний Столин", "Навінкі". Рэдакцыям гэтых выданьняў Міністэрства інфармацыі Рэспублікі Беларусь вынесла афіцыйныя папярэджаньні, якія могуць стаць падставаю для закрыцьця газэтаў.
Кампанію супраць парушэньняў правоў чалавека ў Беларусі пачалі актывісты праваабарончай арганізацыі “Міжнародная амністыя”. Група праваабаронцаў пачала збор подпісаў сярод студэнтаў унівэрсытэту Восла. Студэнтам прапануюць падпісаць зварот да беларускіх уладаў з патрбаваньнем спыніць рэпрэсіі адносна актывістаў ЗУБРа. Усім, хто праяўляе інтарэс да дадзенай тэмы, нарвэскія праваабаронцы даюць падрабязную інфармацыю аб парушэньнях правоў чалавека ў Беларусі.
Міністар інфармацыі й друку Саратаўскай вобласьці Ігар Нікіфараў і першы намесьнік міністра эканамічнага разьвіцьця й гандлю Максім Фацееў правялі брыфінг, прысьвечаны ўдзелу саратаўскай дэлегацыі ў паседжаньні Кангрэсу мясцовых і рэгіянальных уладаў Рады Эўропы, якое прайшло ў Стразбургу. На брыфінгу размова зайшла і пра Беларусь.
У Беларусі хочуць стварыць яшчэ адзін “афіцыйны” прафсаюз, які б аб’яднаў работнікаў прамысловасьці. Статутны зь’езд новай арганізацыі адбудзецца 28 траўня. Цалкам зразумела, што ідэя стварэньня яшчэ адной структуры, якая належыць кіраўніку Фэдэрацыі прафсаюзаў Леаніду Козіку, выцякае з жаданьня пазбавіцца ўнутранай апазыцыі ў асобе лідэраў асобных галіновых прафсаюзаў. Карацей – відавочныя выключна палітычныя прычыны. Эканомікай прафсаюзы, як “жоўтыя”, та і незалежныя, даўно цікавяцца толькі ўскосна. Па сутнасьці яны пераўтварыліся з аднаго боку ў вялізную бюракратычную дзяржструктуру, з іншага – у набор палітычных партыяў, пазбаўленых сур’ёзнага ўплыву.
Начальнік інфармацыйнай управы МЗС Беларусі Андрэй Савіных выклікаў учора на размову ўласнага карэспандэнта расейскай газэты «Известия» Алену Данэйку і абвінаваціў яе ў парушэньні закону аб друку, які выявіўся ў нядаўнім артыкуле пра Александра Лукашэнку. Савіных выклаў Алене Данэйцы афіцыйную пазыцыю МЗС адносна артыкулу ў пятнічным нумары «Известий» пад назваю «Лукашэнка стаў у позу», прысвечанага прамаруджваньню расейска-беларускай інтэграцыі. Алена Данэйка папярэджаная аб тым, што яна цяпер «у складаным становішчы». Да суду, аднак, справа ня дойдзе.
Вечарам 26 траўня Канстытуцыйны суд РБ спыніў вытворчасьць па справе аб законнасьці ўвядзеньня платных паслугаў у дзяржаўных мэдычных установах. Суд спасылаецца на зьяўленьне новай пастановы Савету міністраў ад 25 красавіка, якое скарачае сьпіс гэтых паслугаў удвая і адмяняе пастанову.
У панядзелак у судзе Цэнтральнага раёну сталіцы былы генэральны дырэктар ЗАТ “Атлянт” Леанід Калугін даваў свае першыя публічныя тлумачэньні адносна прад’яўленага яму абвінавачваньня. Паводле ягоных словаў, ва ўсіх сваіх дзеяньнях ён кіраваўся божымі законамі, таму ніхто, акрамя Госпада, яго судзіць ня можа. А ўсе абвінавачваньні сьледзтва Леанід Калугін лічыць надуманымі і неабгрунтаванымі, бо ніякай карысьлівай зацікаўленасьці ў ягонай дзейнасьці не было.
Таймураз Балоеў да нядаўнага часу адмаўляўся ад якіх-небудзь камэнтароў адносна таго, што здарылася ў Беларусі з інвэстыцыйным праектам “Балтыкі”. Мяркуючы па ўсім, ён проста чакаў тлумачэньняў беларускага боку. Але тлумачэньняў не было і генэральны дырэктар “Балтыкі” Таймураз Балоеў усё ж такі вырашыў выказаць свой пункт погляду адносна ўсяго, што здарылася. Сёньня ён адказвае на нашыя пытаньні.
З пачатку году кошты вырасьлі на 11,8 асдоткі пры гадавым прагнозе ўраду і Нацыянальнага банку 18-24 адсоткі. Такім чынам, прагноз "выкананы" амаль на дзьве траціны па ніжняй плянцы і амаль напалову - па верхняй.
У студзені-красавіку 2003 г. аб’ём вырабленай у Беларусі прадукцыі (працаў, паслуг) у бягучых коштах склаў 9773,4 млрд. BYR і павялічыўся ў параўнаньні з студзенем-красавіком 2002 г. у супаставімых коштах на 6,2%, паведамілі ў Міністэрстве статыстыкі і аналізу. Нагадаем, што прагнозам на 2003 год прадугледжаны яго рост на 4-4,5%, у I паўгодзьдзі - на 4,5%.
Сёлета ў Беларусі будуць закрытыя 9 стацыянарных загарадных лягероў. Пачынаючы з 1990 году ўжо не функцыянуе 28 такіх установаў. Пра гэта 27 траўня на сустрэчы з журналістамі ў Грамадзкім прэс-цэнтры паведаміла загадчыца аддзяленьнем гігіены дзяцей і падлеткаў Рэспубліканскага цэнтру гігіены, эпідэміялёгіі і грамадзкага здароўя Ала Малахава. На яе думку, закрыцьцё "стацыянараў" – галоўная прычына таго, што арганізаванае аздараўленьне дзяцей становіцца ўсё меней эфэктыўным.
Парэшткі каля 14 тысячаў ваеннапалонных часоў Вялікай Айчыннай вайны знойдзеныя на тэрыторыі адной з чыгуначных вайсковых частак ля Слуцку (Менская вобласьць). Пра гэта “Інтэрфаксу” паведаміў у аўторак начальнік упраўленьня па ўвекавечваньні памяці абаронцаў Айчыны і ахвяраў войнаў Міністэрства абароны Беларусі Віктар Шумскі.
Рэнтабельнасьць у народнай гаспадарцы Беларусі складае 7,5%, а колькасьць стратных прадпрыемстваў пераўзышла 47%. Пра гэта заявіў на паседжаньні прэзыдуюму ўраду віцэ-прэм’ер, міністар эканомікі Андрэй Кабякоў.
, iнформэр
