Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Хэльсынская камісія ЗША заклікае Буша абмеркаваць з Пуціным сытуацыю з правамі чалавека ў Беларусі 12:52, 29/05/2003
Восем кангрэсмэнаў і сэнатараў, сябраў Хэльсынскай камісіі ЗША накіравалі ліст амэрыканскаму прэзыдэнту Джорджу Бушу з заклікам абмеркаваць некаторыя пытаньні правоў чалавека з сваімі эўрапейскімі калегамі ў часе ягонага візыту ў Польшчу й Расею, які пачнецца 30 траўня 2003 году, перадае БелаПАН.
У прыватнасьці, кангрэсмэны й сэнатары заклікалі Джорджа Буша абмеркаваць з расейскім прэзыдэнтам Уладзімерам Пуціным “пазыцыю Расеі адносна складанай сытуацыі з правамі чалавека ў Беларусі, а таксама цяглае парушэньне правоў чалавека ў Чачэніі”.
“Мы вельмі закляпочаныя сытуацыяй з правамі чалавека, дэмакратыяй і вяршынствам закону ў Беларусі, -- гаворыцца ў лісьце сябраў Хэльсынскай камісіі. – Мы просім вас заклікаць Расею выкарыстоўваць свой уплыў для забесьпячэньня дэмакратычнага разьвіцьця ў Беларусі, а таксама пацьвердзіць падтрымку Злучанымі Штатамі Амэрыкі незалежнасьці й сувэрэннасьці Беларусі”.
, iнформэр
