Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі за абразу Аляксандра Лукашэнкі распачатая крымінальная справа супраць жыхара гораду Нясьвіж (Менская вобласьць) Аляксандра Крутога. Пра гэта карэспандэнту “Росбалта” паведаміў памочнік нясьвіскага пракурора Ўладзімер Ягадзінскі.
У сваю чаргу, беспрацоўны Аляксандар Круты, мясцовы праваабаронца, заявіў журналістам, што крымінальная справа распачатая безпадстаўна. У распаўсюджаных ім улётках напісана, што “органы власти склоняются ко злу (творят зло)”. Далей, паводле яго, было напісана: “Я кажу: Лукашенко ко злу не склоняется”. “Ко” напісана асобна”, -- падкрэсьліў беспрацоўны. “Пасьля гэтага міліцыянты пачалі распаўсюджваць па горадзе чуткі, што Лукашэнка -- казёл, -- сказаў Круты. -- Гэтак лічыць нашая міліцыя, а я тут ні пры чым”.
Паводле словаў памочніка пракурора, Аляксандар Круты парушыў артыкул 368-ы Крымінальнага кодэксу Беларусі, у якім гаворыцца аб адказнасьці за публічную абразу кіраўніка дзяржавы.
