Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пачатак поўнага краху незалежнай прэсы Беларусі 11:07, 30/05/2003
Закрыцьцё “Белорусской деловой газты” і “БДГ.Для служебного пользования” – гэта пачатак поўнага краху незалежанй прэсы ў Беларусі, лічыць вядомы журналіст, сябра аргкамітэту грамадзянскай ініцыятывы Хартыя’97 Мікалай ХАЛЕЗІН. З гэтага часу, на думку журналіста, беларуская незалежная прэса будзе вымушаная перайсьці ў новую якасьць. І тут ёсьць два варыянты разьвіцьця падзеяў: капітуляцыя і поўны адыход на бок улады або дзейнасьць у падпольным ці напаўпадпольным стане.
“Сёньня на рынку грамадзка-палітычных выданьняў засталася толькі газэта “Народная воля”. Але дажыць ёй да парлямэнцкіх выбараў улада ня дасьць. З тае прычыны, што аўтарытарны беларускі рэжым замацоўваецца на таталітарных пазыцыях. Варта чакаць далейшага прагрэсу “захворваньня”: працягу ўціску рэгіянальнай прэсы, лібэральнага крыла беларускіх тэлеканалаў, інтэрнэту”, -- лічыць Мікалай Халезін.
Пазытыў сёньняшніх падзеяў, на думку журналіста, заключаецца ў тым, што зараз міжнародныя структуры, кіраўніцтвы іншых краінаў і ўсясьветная грамадзкасьць спыняць сумнявацца ў сапраўднай сутнасьці цяперашняга беларускага рэжыму, і любыя іх дзеяньні па легалізацыі гэтага рэжыму будуць мець характар здрадніцтва ідэалам дэмакратыі.
, iнформэр
