Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кангрэс ЗША цікавіцца экспартам беларускага ўзбраеньня 12:42, 02/06/2003
Гэльсынская Камісія ЗША правядзе 5 чэрвеня слуханьні з мэтай высьвятленьня ўдзелу краінаў-чальцоў АБСЭ у незаконных пастаўках зброі краінам-ізгоям. Асаблівая ўвага будзе надзяляцца дзяржавам, урады якіх маглі непасрэдна ўдзельнічаць у распаўсюдзе зброі. Размова ідзе пра Беларусь, Расею, Украіну, Баўгарыю і краіны Балканскага рэгіёну.
Слуханьні закліканыя высьветліць, у якой ступені дадзеныя дзяржавы захоўвалі ўзятыя на сябе забавязкі па нераспаўсюду ўзбраеньня, а таксама павінны высьветліць ступень іх датычнасьці да гандлю зброяй і ваенным абсталяваньнем, падрыхтоўцы ваенных адмыслоўцаў такіх краінаў, як Ірак, Іран і Паўночная Карэя.
“Сутнасьць і памер праблемы ў кожнай з гэтых краінаў розныя, як будуць рознымі крокі ў адказ на незаконную дзейнасьць дзяржаваў-чальцоў АЮСЭ ў выпадку іх выкрыцьця”, -- паведамляюць Helsinki Commission News.
