Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Амбасада ЗША занепакоеная актамі вандалізму ў Беларусі 16:07, 02/06/2003
Амбасада ЗША ў Беларусі выказала глыбокую занепакоенасьць актамі вандалізму, учыненымі на мінулым тыдні ў некалькіх беларускіх гарадох, уключаючы й Менск. У прыватнасьці, 5 траўня невядомыя вандалы сур’ёзна пашкодзілі мэмарыяльную лаву ва ўрочашчы Курапаты. Гэтую лаву – дар народа Злучаных Штатаў народу Беларусі -- перадаў прэзыдэнт ЗША Біл Клінтан у час ягонага візыту ў Беларусь у 1994 годзе.
У заяве амбасады, распаўсюджанай 30 траўня, адзначаецца, што гэта ўжо другі выпадак пашкоджаньня лавы вандаламі. Амбасада ЗША паведаміла ўраду Беларусі, што калі бясьпека гэтай лавы ня можа быць забясьпечаная, то “амбасада гатовая прадаставіць для яе належнае месца на сваёй тэрыторыі, да таго часу, пакуль яе захаванасьць ня будзе забясьпечаная на яе законным месцы ў Курапатах”.
Акрамя таго, амбасада выказала занепакоенасьць актам вандалізму на мэмарыяле ахвярам Халякосту “Яма” ў Менску.
Амбасада ЗША заклікала беларускі ўрад расьследаваць акты вандалізму і “прыняць неабходныя меры па абароне гэтых і іншых месцаў гістарычнага й рэлігійнага значэньня”, перадае БелаПАН.
, iнформэр
