Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
ЗУБР будзе ахоўваць памятныя месцы 13:27, 02/06/2003
У ноч з 29 на 30 траўня на высокім беразе Беразіны, у так званых Барысаўскіх Курапатах, невядомыя вандалы апаганілі месца памяці расстраляных у 1920-1930 гадах змагарах супраць бальшавіцкага рэжыму. Як паведаміў БелаПАН адзін зь лідэраў барысаўскай арганізацыі руху супраціву ЗУБР Леанід Навіцкі, вандалы выцягнулі закапаны ў гэтым мейсцы чатырохмэтровы бярозавы крыж, перавязаны бел-чырвона-белым сьцягам, і зьнесьлі ў невядомым кірунку.
На беразе Беразіны былі расстраляныя навабранцы, якія адмовіліся ісьці ваяваць на польскі фронт; партызаны з антысавецкага атраду ратмістра Юркі Моніча, якія засталіся вернымі Беларускай Народнай Рэспубліцы; жыхары гораду, якія ўзбунтаваліся супраць зьмяншэньня харчовых пайкоў.
Першы такі крыж быў усталяваны прадстаўнікамі ЗУБРа 2 лістапада 2001 году, калі грамадзкасьць даведалася пра падзеі, што адбываліся ў Барысаве, суседніх Крупках і на прылягаючых да гэтых населеных пунктаў тэрыторыях. З таго часу, адзначыў Л.Навіцкі, гэтыя жалобныя сымбалі валілі долу, секлі, размаўлёўвалі свастыкай й зоркамі, ірвалі бел-чырвона-белую стужку, аднак скралі крыж упершыню. Паводле Л.Навіцкага, крыж будзе адноўлены, а каля яго пачнецца дзяжурства брыгадаў руху ЗУБР.
, iнформэр
