Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пра гэта радыёстанцыі “Эхо Москвы” паведамілі ў рэдакцыі газэты. Там кажуць, што карэспандэнт Алена Данэйка атрымала папярэджаньне аб магчымасьці страты акрэдытацыі на сустрэчы з прадстаўніком МЗС Беларусі.
"Белорусская деловая газета", выхад якой быў на тры месяцы быў прыпынены распараджэньнем міністра інфармацыі, сёньня зноў даступная сваім чытачам. Як і абяцалася, “БДГ” выйшла на старонках газэты “Салідарнасць”. Але да падпісчыкаў пакуль ня трапіла.
Злучаныя Штаты намерваюцца ажыцьцявіць самую маштабную з часоў Другой усясьветнай вайны перадыслякацыю сваіх войскаў за межамі краіны, паведамляе MSNBC.
“Белорусская деловая газета”, выпуск якой быў прыпынены на тры месцы Міністэрствам інфармацыі, выйшла сёньня пад шапкай газэты “Салідарнасць”, якая належыць Беларускаму незалежнаму прафсаюзу. Камэнтуючы “Интерфаксу” выхад выданьня, міністар інфармацыі Беларусі Міхаіл Падгайны заявіў, што “з пункту погляду закону выйшла газэта “Салідарнасць” з матэрыяламі “Белорусской деловой газеты”. Паводле ягоных словаў, законам выданьня не забаронена выкарыстоўваць матэрыялы любых журналістаў. “Гэта не зьяўляецца парушэньнем дзейнага заканадаўства”, -- дадаў міністар. Такім чынам, як адзначыў Міхаіл Падгайны, “прэтэнзіяў да “БДГ” у Міністэрства інфармацыі няма, аднак ёсьць іншыя пытаньні да газэты “Салідарнасць”. Што гэта за пытаньні, “Інтерфакс” не ўдакладняе.
У мінулую пятніцу амбасадары дзяржаваў Эўразьвязу правялі ў Менску беспрэцэдэнтную акцыю. У знак салідарнасьці зь беларускімі габрэямі яны наведалі месцы, зьвязаныя з гісторыяй менскага гета, а таксама будынкі былых сінагог. Дыпляматы вырашылі правесьці гэтае мерапрыемства пасьля таго, як 26 траўня быў апаганены мэмарыяльны комплекс, прысьвечны ахвярам менскага гета.
Па добрай расейскай мове жыхары вёскі вызначаюць, хто ўрываецца ў іх дамы. Больш яны нічога ня ведаюць пра людезй у масках і з аўтаматамі, якія зьяўляюцца па начох на ваенных джыпах. Міліцэйскі атрад на аўтамабілях выцягвае каго-небудзь з жыхароў дому на вуліцу: сына, брата ці бацьку, якія пасьля, як правіла, больш ніколі ня ўбачаць сваёй сям’і. Пачынаючы з студзеня 2003 году, у Чачэніі кожны месц “зьнікала”, прыкладна, па 60 чалавек. З улікам партызанскай вайны агульная колькасьць ахвяраў у Чачэні ў 50-100 разоў большая, чым гэта вынікае з сярэднега паказчыка, штоі існуе ў ЭЗ. Гэтыя дадзеныя падаюцца ў апошнім дакладзе арганізацыі “Human Rights Watch”.
Вечарам 31 траўня трое маладых людзей зьдзейсьнілі напад на вядомага грамадзкага дзеяча, кінарэжысэра й пэдагога, аднаго з заснавальнікаў Нацыянальнага дзяржаўнага гуманітарнага ліцэю Ўладзімера Коласа.
Сёньня выйдзе нумар “Белорусской деловой газеты”. Выдаўцы “БДГ” спрабуюць стрымаць слова, дадзенае чытачам на прэс-канфэрэнцыі 9 траўня. Тады яны сказалі, што “газэта будзе выходзіць, і выходзіць абсалютна легальна”.
Апошнім парадам савецкага часу камандаваў Уладзімер Усхопчык 7 лістапада 1990 году ў Вільні. Тады ён быў камандзірам 107-ай мотастралковай дывізіі, дыслякаванай у Паўночным гарадку ў Вільні. Зараз ён намесьнік міністра абароны Беларусі і таксама камандуе парадамі. Падавалася: ну і што тут асаблівага? Быў начальнікам залогі, стаў намесьнікам міністра – нармалёвае разьвіцьцё ваеннай кар’еры. Усё так, калі б ня пэўныя абставіны: Уладзімер Усхопчык знаходзіцца ў вышуку.
“ЗША заклікаюць беларускія ўлады неадкладна дазволіць выхад “Белорусской деловой газеты” і штомесячнага выданьня “БДГ. Для служебного пользования”, а таксама спыніць ціск на беларускія СМІ”. Такую заяву зрабіў намесьнік прэс-сакратара Дзяржаўнага дэпартамэнту ЗША Філіп Рыкер, паведамляе прэсавая служба амэрыканскае амбасады ў Менску.
Казыры ў кішэні 15:13, 03/06/2003, Тацяна Маненок, «Белорусский рынок»
Менш за месяц застаецца да 1 ліпеня – кантрольнае даты, да якой Менск павінен, у адпаведнасьці зь міждзяржаўным пагадненьнем, стварыць на базе “Белтрансгазу” сумеснае прадпрыемства з “Газпромам”. У пачатку траўня прэзыдыюм Савміну Беларусі разгледзіў тры варыянты стварэньня СП. Чакаецца, што ў пачатку чэрвеня Аляксандар Лукашэнка правядзе нараду, на якой будзе выбраны аптымальны.
На мінулым тыдні Міністэрства эканомікі Беларусі прапанавала ўраду сэквэстыраваць бюджэт. У прыватнасьці, у той яго частцы, дзе размова ідзе аб заплянаваных паступленьнях ад продажу акцыяў дзяржаўных прадпрыемстваў. Міністэрства плянуе зьменшыць плян па прыцягненьні інвэстыцыяў з 430 млрд да 26 млрд.
У Магілёўскай вобласьці адзначаецца рост пазык па заробнай плаце. Пра гэта 2 чэрвеня на плянёрцы ў аблвыканкаме паведаміла старшыня камітэту па працы й сацыяльнай абароне Ганна Апэт. Паводле дадзеных на 30 траўня, агульная сума пратэрмінованай запазычанасьці па заробнай плаце на прадпрыемствах і ў арганіазцыях вобласьці склала 8274 мільёны беларускіх рублёў ці 12,3 адсоткі да месячнага фонду аплаты працы. 30 красавіка на долю пазык прыпадала 8,5 адсоткаў мясячнага фонду аплаты.
Финансовое положение предприятий народного хозяйства Могилевской области остается критическим, несмотря на выполнение ими объемных показателей производства продукции, предусмотренных прогнозом социально-экономического развития на 2003 года.
Сарваны заплянаваны спуск на ваду цеплаходу “Пінск”, заказчыкам якога зьяўляецца Гомельскае рачное параходзтва. Новы буксір, які будуецца на Пінскім судабудаўнічым-сударамонтным заводзе (Берасьцейская вобласьць), павінен быў пачаць выпрабаваньні ў траўні. Але праз адсутнасьць неабходнага фінансаваньня “Пінск” да гэтага часу застаецца на стапелях.
Толькі што ў Кіеве завяршылася Пятая пан-канфэрэнцыя “Навакольнае асяродзьдзе для Эўропы”. У ёй удзельнічалі міністры аховы прыроды й навакольнага асяродзьдзя з большасьці краінаў Эўропы, у тым ліку і зь Беларусі. Мы не падпісалі некаторыя пратаколы аб узаемадзеяньні ў сфэры экалёгіі, падтрыманыя іншымі краінамі. Чаму?
, iнформэр
