Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вышэйшы Гаспадарчы Суд Рэспублікі Беларусь распачаў вытворчасьць па зысках Выдавецкага прыватнага ўнітарнага прадпрыемства "Марат" да Міністэрства інфармацыі Рэспублікі Беларусь аб прызнаньні несапраўднымі папярэджаньняў № 20 ад 20.05.2003г. (за публікацыю "Барский имидж" у "Белорусской деловой газете" №57 ад 18.04.2003г.) і № 26 ад 22.05.2003г. (за публікацыю "Где "леоновские миллионы"? Пракуратура рэспублікі ня можа адказаць на гэтае пытаньне. Ищет..." у №62 ад 29.04.2003г.) і прызначыў даты разгляду справаў. Зыск аб прызнаньні несапраўднымі папярэджаньні № 26 ад 22.05.2003г. будзе разглядацца судзьдзёй А.А.Мікалаевай 12 чэрвеня а 10.00. Зыск аб прызнаньні несапраўдным папярэджаньня № 20 ад 20.05.2003г. разгледзіць судзьдзя Е.А.Караткевіч 17 чэрвеня а 11.00. Судовыя паседжаньні будуць праходзіць у памяшканьні Вышэйшага Гаспадарчага суда Рэспублікі Беларусь па адрасу: г.Менск, вул. Валадарскага, 8. 12 чэрвеня судовае разьбіральніцтва пройдзе ў каб. 302, 17 чэрвеня - у каб. 223.
Кар’еру Барыса Нямцова можна назваць удалай. Зараз цяжка нават уявіць, што, калі Аляксандар Лукашэнка кіраваў саўгасам “Гарадзец”, Барыс Нямцоў ужо быў губэрнатарам Ніжагародзкай вобласьці. Першы віцэ-прэм’ер ўраду, міністар паліва й энэргетыкі, старшыня Рады па мясцовым самакіраваньні пры прэзыдэнце РФ – кім толькі ён ня быў! З 2000 году Барыс Нямцоў – лідэр фракцыі “Саюза правых сілаў” у Дзяржаўнай Думе. І ён – адзіны палітычны дзеяч, якія зьяўляецца пэрсонай нон-грата ў Беларусі.
Сытуацыя са свабодай слова ў Беларусі на гэтым тыдні зацьміла ўсе астатнія тэмы. Разнарадка аб увядзеньні ў штат арганізацыяў ідэолягаў ці заява аб тым, што Польшча будзе на прыцэле беларускіх СПА, як і іншыя навіны, ня выклікалі такога рэзанансу, як прыпыненьне дзейнасьці нашай газэты. І хаця пісаць у “БДГ” аб “БДГ”, прызнаюся, няёмка, але, як кажа Ўладзімер Позьнер, такія ў нас часы.
Аляксандар Лукашэнка незадаволены працай рэктараў беларускіх вышэйшых навучальных установаў, якія самаліквідаваліся ад выхаваўчай працы, паведамляе “Інтэрфакс”. “Это нетерпимо, и я вас заверяю, что к 1 сентября ситуация в вузах страны изменится”, - заявіў кіраўнік дзяржавы, адкрываючы ў пятніцу нараду па кантролю за ходам уступных экзаменаў. Як адзначыў Лукашэнка, “формирование интеллектуального потенциала страны является важнейшей государственной задачей, и не один руководитель не имеет права выпускать из вида эту проблему”.
На мінулым тыдні на саміце Эўрапейскага звязу й Расеі ў Санкт-Пецярбургу душу прэзыдэнта Ўладзімера Пуціна яшчэ маглі саграваць бойкія словы ўхваленьня адносна яго чачэнскай палітыкі. Госьці дзяржаўнай рангі з Эўропы віталі сакавіцкі рэфэрэндум у Чачэніі па канстытуцыі і міласьціва не заўважалі яго выніка, 96 адсоткаў галасоў “за”. Такі вынік нагадаў аб працэдуры выбараў, якія праходзілі ў савецкія часы. Прэм’ер-міністар Вялікабрытаніі Тоні Блэр асабліва ўхваліў за спробу пачаць палітычны дыялёг. І Пуцін радасна з усімі пагаджаўся.
5 чэрвеня Гельсынская камісія Кангрэсу ЗША праводзіла адкрытыя слуханьні «Роля краін-сябраў АБСЭ ў нелегальных пастаўках зброі краінам-ізгоям». Прычынай для гэтых слуханьняў сталіся шматлікія сьведчаньні парушэньняў краінамі былога Варшаўскага блёку сваіх міжнародных забавязаньняў, у тым ліку і дамоваў АБСЭ, па нераспаўсюджаньні зброі. Сярод краін-парушальнікаў была названая Беларусь.
Прынятыя дапаўненьні ў некаторыя законы Беларусі па пытаньні аб адказнасьці за парушэньні заканадаўства аб правядзеньні масавых мерапрыемстваў. Папраўкі, у прыватнасьці, ўносяцца ў законы “Аб палітычных партыях” і “Аб грамадзкіх аб’яднаньнях”. Яны прыводзяць заканадаўства ў адпаведнасьць з дэкрэтам прэзыдэнта №11 ад 7 траўня 2001 году “Аб некаторых мерах па ўдасканаленьні парадку правядзеньня сходаў, мітынгаў, вулічных шэсьцяў, дэманстрацыяў і пікетаваньняў у Рэспубліцы Беларусь”. Нормы гэтага дэкрэту прадугледжваюць магчымасьць ліквідацыі палітычнай партыі, прафсаюзнай ці іншай арганізацыі за аднаразовае парушэньне заканадаўства аб парадку правядзеньня масавых мерапрыемстваў.
Падрыхтоўку да парлямэнцкіх выбараў 2004 году Цэнтрвыбаркам Беларусі пачне ў верасьні. Як паведаміла старшыня Цэнтральнае камісіі Рэспублікі Беларсь па выбарах і правядзеньні рэспубліканскіх рэфэрэндумаў Лідзія Ярмошына, падрыхтоўка будзе заключацца ў распрацоўцы камэнтару да будучых выбараў і мэтадычных тлумачэньняў для выбарчых камісіяў. Будуць разьмяркоўвацца заданьні па вызначэньні межаў выбарчых акругаў. Арамя таго, пачнецца навучаньне арганізатарў выбараў на курсах павышэньня кваліфікацыі, створаных пры Акадэміі кіраваньня пры прэзыдэнце Рэспублікі Беларусь. Паводле Ярмошынай, у час вучобы будзе распавядацца аб асаблівасьцях надыходзячай выбарчай кампаніі і прааналізаваны досьвед мінулых выбараў.
5 чэрвеня “палата прадстаўнікоў” прыняла ў першым чытаньні зьмены й дапаўненьні ў закон “Аб апэратыўна-вышукной дзейнасьці”. Дадзены законапраект, паведаміў першы намесьнік міністра ўнутраных справаў Барыс Тарлецкі, закліканы ліквідаваць прабелы, якія выявіліся ў час прымяненьня дадзенага закону. Папраўкі, паводле ягоных словаў, дазволяць “больш шырока й поўна рэалізоўваць патэнцыял правядзеньня апэратыўна-вышукных мерапрыемстваў”, перадае БелаПАН.
Эўрапейскі Зьвяз выказаў глыбокую закляпочанасць адносна прыпыненьня дзейнасьці «Белорусской деловой газеты» і яе дадатку «БДГ. Для служебного пользования». «Мы засмучаныя адсутнасьцю прагрэсу ў заканадаўстве аб СМІ. А таксама няспынным ціскам у Беларусі на незалежныя і апазыцыйныя газэты й журналістаў. Гэтыя падзеі асабліва бянтэжаць у сьвятле шматабяцанага супрацоўніцтва, якое мела месца паміж АБСЭ і Беларусьсю з моманту адрыцьця офісу АБСЭ ў Менску», -- гаворыцца ў заяве ЭЗ. Такім чынам, лічаць прадстаўнікі краінаў-сябраў Эўразьвязу, Беларусь парушае ўзятыя на сябе забавязкі перад АБСЭ па свабодзе СМІ. Прапануем Вашай увазе тэкст заявы Эўразвязу цалкам.
Расейскі прэзыдэнт нечакана адказаў на пытаньне, якое ўзрушвае беларускае грамадзтва. Ён выказаўся наконт трэцяга прэзыдэнцкага тэрміну. І выказаўся адмоўна.
Прадстаўнікі недзяржаўных арганізацыяў Беларусі зьвярнуліся да замежных дыпляматычных прадстаўніцтваў, акрэдытаваных у нашай краіне, з заклікам аказаць праз свае ўрады ўплыў на беларускае кіраўніцтва, якое пачало сапраўдную вайну супраць "трэцяга сэктару". Пра гэта было заяўлена ў чацьвер у часе сустрэчы кіраўнікоў буйнейшых недзяржаўных арганізацыяў Беларусі з замежнымі дыпляматамі. Лідэры НДА распавялі пра той цяжкі стан, у якім апынуліся недзяржаўныя арганізацыі нашае краіны сёньня.
Беларусь пакуль не прыняла рашэньня аб аднаўленьні ў Багдадзе працы беларускай амбасады. Пра гэта ў чацьвер на брыфінгу ў Менску паведаміў журналістам прэс-сакратар беларускага МЗС Андрэй Савіных. Паводле яго, беларускія дыпляматы вернуцца ў Ірак, толькі “калі сытуацыя ў краіне будзе нармалізаваная”. Як лічыць Савіных, на дадзены час для іх вяртаньня “падставаў няма”.
Міністэрства інфармацыі Беларусі звольніла дырэктара друкарні «Чырвоная зорка» Ўладзімера Целеша за «невыкананьне ўмоваў кантракту». Гэта адбылося пасьля таго, як друкарня надрукавала спэцвыпускі штотыднёвікаў «Салідарнасьць» і «Эхо», якія разьмяшчалі матэрыялы «БДГ». Міністэрства інфармацыі таксама прыпыніла выданьне газэты «Эхо».
Спыніла вытворчую дзейнасьць адзінае ў мястэчку Арэхаўск Аршанскага раёну Віцебскай вобласьці прадпрыемства – завод “Лантан”, які ўваходзіць у Віцебскае радыёэлектроннае аб’яднаньне “Маналіт”. За пазыкі адключаная электрычнасьць, зачыненыя цэхі, рабочыя адпраўленыя ў доўгатэрміновыя і неаплочваемыя адпачынкі.
Пастановаю Міністэрства эканомікі з 1 чэрвеня ў Беларусі падвышаныя тарыфы на перавозкі грузаў чыгункай ва ўнутрырэспубліканскай камунікацыі. Як паведамілі БелаПАН ва ўпраўленьні Беларускай чыгункі, дзейныя тарыфы на грузавыя чыгуначныя перавозкі ва ўнутрырэспубліканскай камунікацыі вырасьлі на 1,3 адсоткі. Да дзеючай тарыфнай сеткі на мясцовыя грузавыя чыгуначныя перавозкі ўсталяваны падвышаны каэфіцыэнт 1,51 (раней быў 1,49).
Аляксандар Лукашэнка лічыць неабходным упарадкаваць структуру Беларускага абароннага спартова-тэхнічнага таварыства. Пра гэта кіраўнік дзяржавы заявіў учора на нарадзе па пытаньнях дзейнасьці БелОСТО.
Па стану на 4 чэрвеня заробак за сакавік ня выплачаны ў 160 гаспадарках Гарадзенскай вобласьці (больш за палову ад агульнай колькасьці), сума запазычанасьці склала 2,5 млрд. руб. Яшчэ ў 38 гаспадарках ня выплачаны заробак за люты на агульную суму 400 млн. рублёў. Пра гэта паведаміў БелаПАН намесьнік начальніка абласнога ўпраўленьня сельскай гаспадаркі й харчаваньня Міраслаў Саросек.
Чые ўнівэрсытэты? 11:33, 06/06/2003, Вольга Тамашэўская, Марына Гуляева, Белорусская газета
Патрабаваньні да недзяржаўных ВНУ будуць больш высокімі. Іх невыкананьне можа прывесьці да закрыцьця. На мінулым тыдні пра гэта заявіў першы намесьнік міністра адукацыі Беларусі Аляксандар Жук, выступаючы на міжнародным кангрэсе “Унівэрсытэцкая адукацыя, досьвед тысячагодзьдзя: праблемы, пэрспэктывы разьвіцьця”. Якое ВНУ лепшае - прыватнае ці дзяржаўнае? Ці пачнецца ў бліжэйшы час кампанія па закрыцьці недзяржаўных ВНУ? Пра гэта разважаюць рэктар-прэзыдэнт інстытута прадпрымальніцтва і парлямэнтарызму Алег МАРОЗАЎ і намесьнік міністра адукацыі Аляксандар ЖУК.
У беларускай сталіцы невядомыя апаганілі помнік воінам, якія аддалі свае жыцьці ў барацьбе зь нямецка-фашысцкімі захопнікамі. Манумэнт, усталяваны ў парку Чалюскінцаў, вандалы аблілі чорнай фарбай, а затым падпалілі ўскладзеныя да помніка вянкі.
Рашэньне аб зьмене сыстэмы аховы дыпляматычных місіяў на тэрыторыі рэспублікі прыняла Міністэрства замежных справаў Беларусі. Пра гэта паведаміў прэс-сакратар замежнапалітычнага ведамства Андрэй Савіных. З сярэдзіны ліпеня ўсе замежныя прадстаўніцтвы будуць ахоўвацца кругласутачнымі стацыянарнымі пастамі міліцыі. У адпаведнасьці з Жэнеўскай канвэнцыяй, Беларусь гарантуе дыпмісіям бясьпеку і яна можа забясьпечвацца і іншымі мэтадамі: патруляваньне, усталяваньне сыгналізацыі.
У сетцы расейскіх спэцслужбаў толькі сёлета трапілі тры кілеры-адзіночкі й верхавод банды кілераў. І ўсе яны беларусы. Можна падумаць, праваахоўчыя органы выйшлі на сапраўдны беларускі сіндыкат кілераў. І гэта толькі затрыманыя наёмныя забойцы. Апошнім днямі затрыманы пасярэднік, які прыехаў з Расеі ў Беларусь, каб наняць тут кілера.
, iнформэр
