Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь не сьпяшаецца вяртаць у Багдад сваю амбасаду 11:12, 06/06/2003
Беларусь пакуль не прыняла рашэньня аб аднаўленьні ў Багдадзе працы беларускай амбасады. Пра гэта ў чацьвер на брыфінгу ў Менску паведаміў журналістам прэс-сакратар беларускага МЗС Андрэй Савіных. Паводле яго, беларускія дыпляматы вернуцца ў Ірак, толькі “калі сытуацыя ў краіне будзе нармалізаваная”. Як лічыць Савіных, на дадзены час для іх вяртаньня “падставаў няма”.
Прадстаўнік беларускага МЗС паведаміў таксама, што працягвае выконваць забавязкі амбасадара Іраку ў Беларусі Сальман Зэйдан, прызначаны ранейшымі ўладамі гэтай краіны. “Пытаньне аб яго ўзаемаадносінах з новымі ўладамі Іраку зьяўляецца ўнутранай справай гэтай краіны і не знаходзіцца ў кампэтэнцыі МЗС Беларусі”, -- падкрэсьліў Савіных.
