БелОСТО чакае рэарганізацыя :: Хартыя'97 :: Навiны

Аляксандар Лукашэнка лічыць неабходным упарадкаваць структуру Беларускага абароннага спартова-тэхнічнага таварыства. Пра гэта кіраўнік дзяржавы заявіў учора на нарадзе па пытаньнях дзейнасьці БелОСТО.

Паводле А.Лукашэнкі, «нам необходимо четко прописать место БелОСТО в вопросах деятельности по подготовке населения к защите Родины и службе в Вооруженных силах страны. Мы должны определиться, по каким направлениям государство будет участвовать в работе БелОСТО».

Беларускі лідэр паведаміў, што кіраўніцтва БелОСТО плянуе рэарганізаваць гэтую грамадзкую структуру ў дзяржаўна-грамадзкую арганізацыю.

У савецкія часы папярэднік БелОСТО – ДОСААФ – зарабляў немалыя грошы. На падтрымку БелОСТО за апошнія 3 гады было выдзелена больш за 7 мільярдаў рублёў. У выніку фінансавай праверкі дзейнасьці арганізацыі былі выяўленыя “настораживающие моменты”. З гэтай прычыны з сакавіка бягучага году фінансаваньне БелОСТО зь дзяржаўнага бюджэту было прыпынена.

Аднак, на думку А.Лукашэнкі, “государство не должно бросить эту организацию”. Ён заклікаў выпрацаваць канкрэтныя накірункі арганізацыі й дзейнасьці БелОСТО.

Сёньня таварыства мае больш за 2 тысячы першасных арганізацыяў, у якіх больш за 200 тысячаў чалавек. У БелОСТО каля 150 спэцыялізаваных аб’ектаў – аўташколаў, аэраклюбаў, спартова-тэхнічных клюбаў. Ёсьць больш за 1 тысячу аўтамабіляў, 158 лятальных апаратаў.