Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
9 чэрвеня Вярхоўны суд Рэспублікі Беларусь пастанавіў ліквідаваць рэспубліканскае грамадзкае аб’яднаньне “Маладзёжны хрысьціянска-сацыяльны саюз”. Маладзёжны хрысьціянска-сацыяльны саюз быў адной з самых буйных сярод моладзевых аргнізацыяў дэмакратычнага накірунку, зарэгістраваных Міністэрствам юстыцыі Беларусі.
Беспрэцэдэнтнае хадайніцтва высунулі ў чацьвер прадстаўнікі Пракуратуры РБ на працэсе па справе былога генэральнага дырэктара ВА "МТЗ" Міхаіла Лявонава, якое заслухоўваецца ў Вярхоўным судзе Беларусі. Спасылаючыся на ліст міністра інфармацыі Міхаіла Падгайнага, абвінавачваньне патрабавала пазбавіць акрэдытацыі на судовых паседжаньнях журналістаў “БДГ “ і “Народнай волі”.
У якім кабінэце прымалася рашэньне, мы даведаемся пазьней. Але тое, што не зьяўляецца сакрэтам ужо зараз – рашэньне стала выконвацца пункт за пунктам: улада пайшла ў свой трэці паход супраць “змагароў за дэмакратычную супольнасьць”. Перад выступам было вырашана арганізаваць масіраваны артабстрэл пазыцыяў праціўніка, які (ніхто не сумняваўся) быў пасьпяховым. Цяжка параненыя й зараз знаходзяцца пры сьмерці - некалькі буйнейшых рэгіянальных рэсурсных цэнтраў, Нацыянальны гуманітарны ліцэй, і вядома ж, яны – незалежныя выданьні.
Хто ня ведае, той напэўна чуў, што самай дэмакратычнай Канстытуцыяй была сталінская. Наконт “самай” – гэта, вядома, гіпэрбала, але ўвогуле дакумэнт сапраўды быў дастаткова прыстойны: тут й правы чалавека, і свабода думкі, і незалежнасьць судовай сыстэмы. Беларусь сёньня – гэта тыя самы два міры: адзін -- законы, напісаныя на паперы, іншы -- рэчаіснасьць.
У Польшчы, паводле папярэдніх неафіцыйных дадзеных, на агульнанацыянальным рэфэрэндуме перамогу атрымалі прыхільнікі эўрапейскай інтэграцыі. У Варшаве тысячы палякаў выйшлі на вуліцы сталіцы, пасьля таго як у 22 гадзіны па маскоўскім часе закрыліся ўчасткі для галасаваньня. За ўступленьне ў ЭЗ выказалася калі 80 адсоткаў жыхароў. Усяго ў рэфэрэндуме прынялі ўдзел больш за 56 адсоткаў выбарцаў. Гэта азначае, што рэфэрэндум адбыўся. Для таго, каб яго вынікі былі сапраўднымі, яўка павінна была пераўзысьці 50 адсоткаў.
Размова намесьніка міністра адукацыі Казіміра Фарыны з кіраўнікамі Нацыянальнага гуманітарнага ліцэя Ўладзімерам Коласам і ягонымі намесьнікамі – Лявонам Баршчэўскім і Ірынай Сідарэнкай адбылася ў пятніцу, 6 чэрвеня. Спадзяваньні на кампраміснае рашэньне ня спраўдзіліся.
Незалежная беларуская прэса будзе працягваць існаваньне за межамі краіны, магчыма, на тэрыторыі Расеі. Спроба рэдакцыі “Белорусской деловой газеты”, закрытай “за абразу прэзыдэнта”, ладзіць сумесныя выпускі з іншымі незалежнымі выданьнямі фактычна правалілася.
Як паведаміў БелаПАН рэдактар недзяржаўнай газэты "Салідарнасць" Аляксандар Старыкевіч, раніцай 6 чэрвеня ў Салігорск (Менская вобласьць), дзе зарэгістраваная газэта, прыбылі прадстаўнікі Камітэту дзяржаўнага кантролю й Міністэрства інфармацыі з мэтай праверкі дзейнасьці газэты.
Імкненьне шэрагу афіцыйных асобаў АБСЭ надаць палітычную афарбоўку рашэньням Міністэрства інфармацыі Беларусі аб прыпыненьні выхаду выданьняў “Белорусская деловая газета”, а таксама “БДГ. Для служебного пользования” можа разглядацца як імкненьне аказаць ціск на суд. Пра гэта, як перадае “Интерфакс”, сталы прадстаўнік Беларусі ў АБСЭ Віктар Гайсёнак заявіў, выступаючы на паседжаньні Сталай рады АБСЭ.
Дэлегаты зьезду грамадзкага аб’яднаньня “Беларуская асацыяцыя журналістаў”, які прайшоў у Менску 6 чэрвеня, прынялі зварот у Канстытуцыйны суд. Зварот зьмяшчае прапанову разгледзіць пытаньне аб адпаведнасьці Канстытуцыі артыкулаў Крымінальнага кодэксу 367 (паклёп адносна прэзыдэнта Рэспублікі Беларусь), 368 (абраза прэзыдэнта Рэспублікі Беларусь) і 369 (абраза прадстаўніка ўлады).
У інтэрвію БелаПАН адзін з заснавальнікаў дэмакратычнага блёку “Свабодная Беларусь”, вядомы эколяг Валеры Дранчук заклікае актыўна далучацца да руху рэгіёну краіны, “прирастать лесами и болотами”, каб абараніць прыродныя каштоўнасьці Беларусі ад дэградацыі й прамысловага зьнішчэньня скаардынаванымі, сумеснымі дзеяньнямі”.
Адсутнасьць згадкі пра “саюз” Расеі й Беларусі ў нядаўнім Пасланьні прэзыдэнта Ўладзімера Пуціна да Фэдэральнага сходу РФ, што так занепакоіла палітычную эліту, верагодна, не была выпадковай. Асабліва выразна факт ігнараваньня гэтай праблемы праявіўся на тле вялікай увагі, якую Аляксандар Лукашэнка надзяліў зносінам з Расеяй і, у прыватнасьці, “саюзнай дзяржаве” ў сваім пасланьні да нацыянальнага парлямэнту ў сярэдзіне красавіка. Дадатковыя чуткі й мэтанакіраваныя “ўцечкі” пра ўсё новыя цяжкасьці ў працэсе зьбліжэньня дзьвюх краінаў і выпрацоўкі адпаведнай заканадаўчай базы зьявіліся па меры зацягваньня разгляду прэзыдэнтамі дзьвюх краінаў праекту Канстытуцыйнага акта “саюзнай дзяржавы”, працу над якім у красавіку завяршыла беларуска-расейская парлямэнцкая камісія. Верагодна, запавольваньне працэдуры зьбліжэньня зьвязанае з сур’ёзнымі разыходжаньнямі па прынцыпах уладкаваньня й функцыяваньня “саюзу” паміж Пуціным і Лукашэнкам.
Рэдакцыя газэты “Навінкі” намерваецца абскардізць рашэньне аб прыпыненьні выхаду выданьня. Пра гэта паведаміў БелаПАН рэдактар газэты Павал Канавальчык. Нагадаем, што 20 траўня суд Маскоўскага раёну Менску аштрафаваў Канавальчыка на 100 базавых адзінак (каля 700 даляраў ЗША) за “распаўсюд наўмысна ілжывых зьвестак, якія ганьбяць гонар і годнасьць прэзыдэнта Рэспублікі Беларусь”. 21 і 22 траўня рэдакцыя атрымала адразу два папярэджаньня Міністэрства інфармацыі за парушэньне арт.5 Закону аб друку.
Эўразьвяз аб’явіў аб увядзеньні дыпляматычных санкцыяў супраць Кубы. Прычына -- парушэнне правоў чалавека ў гэтай краіне. У прыватнасьці, перадае ForUm з спасылкаю на “Евроньюс”. Будуць абмежаваныя візыты на высокім узроўні. Краіны-сябры ЭЗ скароцяць свой удзел у культурных мерапрыемствах на Кубе. Разам з тым яны пашыраюць кантакты з кубінскімі дысыдэнтамі.
Надзвычайная сытуацыя зь незалежнымі сродкамі масавай інфармацыі склалася ў Беларусі. Пра гэта гаворыцца ў адмысловай заяве зьезду Беларускай асацыяцыі журналістаў (БАЖ), што прайшоў у пятніцу ў Менску. Як лічаць беларускія журналісты, «перасьлед незалежных СМІ выйшаў за рамкі дзейных законаў і набыў характар палітычных рэпрэсіяў». У асобе незалежных журналістаў улады Беларусі шукаюць новых «ворагаў народа», заявілі яны.
Доля убыточных предприятий электроэнергетики в январе-марте текущего года составила 37,5% против 12,5% в январе-марте прошлого года. Как сообщает "Интерфакс", ссылаясь на Министерство статистики и анализа, в январе доля убыточных предприятий электроэнергетики была еще больше - 62,5% общего количества предприятий отрасли.
Канфлікт паміж кіраўніцтвам ФПБ і лідэрамі двух галіновых прафсаюзаў -- аўтамабільнага і сельскагаспадарчага машынабудаваньня (АСМ) і радыёэлектроннай прамысловасьці (РЭП), падобна ідзе да завяршэньня. Акрамя таго, што бакі ўсё больш заўзята крытыкуюць адзін аднога, ня варта забываць пра сыход двух месяцаў, выдзеленых Аляксандрам Лукашэнкам для таго, каб “разабрацца” з Бухвоставым і Фядынічам – кіраўнікамі гэтых прафсаюзаў. Такое даручэньне, як вядома, кіраўнік дзяржавы даў міністру прамысловасьці Анатолю Харлапу на ідэалягічным сэмінары 27 сакавіка.
Рэгістрацыя пэрыядычнага друкаванага выданьня ў Беларусі будзе каштаваць каля 350 тыс. беларускіх рублёў, рэгістрацыя агульнарэспубліканскай радыё-ці тэлепраграмы – каля 14 млн. рублёў. Як паведамілі РІА “Новости” ў амбасадзе Беларусі ў Маскве, пастанову аб упарадкаваньні памераў і парадку спагнаньня збору за рэгістрацыю СМІ прыняў урад рэспублікі.
Новыя радыёстанцыі, якія працуюць у FM-дыяпазоне, не зьявяцца бліжэйшым часам у Беларусі. З прапановаю аб прыпыненьні выдзяленьня эфірных частотаў дадзенага дыяпазону намерваецца выступіць Міністэрства сувязі Рэспублікі Беларусь.
На базе Беларускага металюргічнага заводу ў Жлобіне будзе стварацца холдынг. У яго склад увойдуць Магілёўскі металюргічны завод, Рэчыцкі мэтызны, прадпрыемствы па нарыхтоўцы мэталалому. Ідэя такой рэарганізацыі ў тым, каб аб’яднаць у тэхналягічны ланцужок усе прадпрыемствы -- ад нарыхтоўкі лому да выпуску канечнай прадукцыі. Гэта зробіць больш простым працэс падаткаабкладаньня, але бюджэт пры гэтым ня будзе мець стратаў. Такое рашэньне прынятае ў пятніцу ў Жлобіне ў час наведваньня заводу прэм’ер-міністрам Беларусі Генадзем Навіцкім.
Вядомы пісьменьнік Васіль Быкаў, які жыў пяць апошніх гадоў за мяжой, вярнуўся ў Беларусь. Пра гэта «Интерфаксу» ў пятніцу паведамілі ў Партыі БНФ «Адраджэньне». Паводле крыніцаў, якія заслугоўваюць даверу, Васіль Быкаў плянуе прайсьці курс лячэньня ў адной зь лякарняў Менску. На дадзены час «пісьменьнік знаходзіцца дома і кантактуе з абмежаваным колам асобаў». 19 чэрвеня Быкаву споўніцца 79 гадоў.
, iнформэр
