Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Як паведаміў БелаПАН рэдактар недзяржаўнай газэты "Салідарнасць" Аляксандар Старыкевіч, раніцай 6 чэрвеня ў Салігорск (Менская вобласьць), дзе зарэгістраваная газэта, прыбылі прадстаўнікі Камітэту дзяржаўнага кантролю й Міністэрства інфармацыі з мэтай праверкі дзейнасьці газэты.
На момант пачатку праверкі рэдактар знаходзіўся ў Менску на зьезьдзе грамадзкай арганізацыі “Беларуская асацыяцыя журналістаў”.
Паводле А.Старыкевіча, “пільная ўвага дзяржаўных органаў зьвязаная з тым, што газэта правяла акцыю салідарнасьці зь “Белорусской деловой газетой”. Як мяркуе рэдактар, “улады проста вырашылі знайсьці падставу для таго, каб спыніць выхад “Салідарнасці”.
Газэта “Салідарнасць”, заснавальнікам якой зьяўляецца Беларускі незалежны прафсаюз, аднавіла выхад 24 красавіка 2003 году, пасьля вымушанага перапынку. Рэдактарам адноўленай газэты стаў Аляксандар Старыкевіч, які да ліпеня 2002 году ачольваў выданьне Фэдэрацыі прафсаюзаў Беларусі “Беларускі час”.
, iнформэр
