Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зьмененыя стаўкі акцызаў на піва 14:49, 11/06/2003
Савет Міністраў Беларусі сваёй пастановаю ад 10 чэрвеня зьмяніў ранейшыя стаўкі акцызаў на піва. Такое рашэньне, як паведаміў БЕЛТА начальнік галоўнага ўпраўленьня эканомікі канцэрну “Белдзяржхарчпрам” Зьміцер Бурдзюгоў, выклікана неабходнасьцю ўніфікаваць падаткавае заканадаўства Рэспублікі Беларусь з Расейскай Фэдэрацыяй. Цяперашнія стаўкі акцызаў, зацьверджаныя ўрадам нашай краіны, адказваюць інтарэсам айчынных вытворцаў гэтага напою. Паводле адмыслоўца, зьвяртае на сябе ўвагу той факт, што на піва, дзе доля сьпіртусу пераўзыходзіць 8,6 адсоткаў (дарэчы яно зьяўляецца самым моцным і пакуль у нашай краіне не вырабляецца, а завозіцца з-за межаў Беларусі), стаўка акцызаў павялічаная ў тры разы. Такім чынам, новая сыстэма дазволіць за кошт імпартуемага піва значна папоўніць рэспубліканскі бюджэт.
