Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Белтелекам» зьніжае плату за беспарольны доступ у інтэрнэт 15:01, 11/06/2003
РТ "Белтелекам" аб’яўляе аб ўвядзеньні тарыфа "Летняга" на беспарольны доступ у Интэрнэт. Па традыцыі з прыходам лета хатніх карыстальнікаў Інтэрнэту зноў чакаюць летнія зьніжкі коштаў.
Як паведаміла адмысловец па маркетынгу тэлекамунікацыйных паслуг "Белтэлекам" Сьвятлана Прэнц, тарыф "Летні" на камутаваны беспарольны доступ у Інтэрнэт уводзіцца на пэрыяд з 15 чэрвеня па 15 жніўня 2003 году ўключна. Як і летась, кошт карыстаньня Інтэрнэтам будзе зьніжаны для фізычных асобаў, у працоўныя дні тыдня з 8.00 да 19.00 гадзінаў. Кошт адной хвіліны знаходжаньня ў сеціве складзе 21,8 руб., што таньней за звычайны тарыф (25,6 руб./хв.) на 15%.
Летась паслугай беспарольнага доступу за год скарысталася 796530 карыстальнікаў, пры гэтым 87578 карыстальнікаў – толькі за сьнежань 2002 году. У студзені 2002 году аналягічны паказчык склаў 53729 абанэнтаў. У параўнаньні з 2001-м прыросту за 2002 год склаў 374365 абанэнтаў.
Паводле дадзеных сёлетнега году ўпершыню колькасьць карыстальнікаў беспарольнага доступу ў Інтрнэт па колькасьці выстаўленых рахункаў у месяц пераўзышла 100 тысячаў.
На дадзены час паслугаю штомесяц карыстаюцца 106 тысячаў абанэнтаў рэспублікі, у тым ліку каля паловы зь іх – у Менску.
, iнформэр
