Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Увядзеньне расейскага рубля ў якасьці валюты будзе мець сур’ёзныя наступствы, як для Беларусі, так і для Расеі. Такім чынам пракамэнтаваў перамовы беларускай і расейскай дэлегацыі, што адбыліся на мінулым тыдні ў Менску, адносна ўвядзеньня расейскага рубля ў якасьці адзінага плацёжнага сродку так званай “саюзнай дзяржавы” каардынатар грамадзянскай інцыятывы Хартыя’97 Зьміцер БАНДАРЭНКА.
11 чэрвеня паліграфічнае РУП "Красная звезда" адмовілася друкаваць чарговы нумар недзяржаўнай газэты "Салідарнасць", у якой зноў мелі месца зьявіцца матэрыялы журналістаў "Белорусской деловой газеты". Наклад чарговага нумару "Салідарнасці" павінен быў зьявіцца а 17.00 у сераду. Аднак напярэдадні друкарня заявіла, што не прыме газету ў друк, паколькі на мінулым тыдні яна друкавалася ў панядзелак і "збіла графік" выхаду. На думку галоўнага рэдактара газэты Аляксандра Старыкевіча, гэтае тлумачэньне выглядае досыць неперканаўча. Ён паведаміў, што ва ўсіх іншых друкарнях, куды ён звяртаўся з просьбай надрукаваць выданьне, з розных прычынаў таксама адмовілі. У той жа час, у рэдакцыю "БДГ" трапіла копія афіцыйнага распараджэньня віцэ-прэзыдэнта канцэрну "Белрэсурсы", якое забараняе гандлёвым прадпрыемствам канцэрну браць на распаўсюд газэты "Салідарнасць", "Эхо", "Предпринимательская газета" і "Belarus today".
11 чэрвеня “савет рэспублікі” ўхваліў законапраект “Аб унясеньні дапаўненьняў у некаторыя законы Рэспублікі Беларусь па пытаньнях дзейнасьці палітычных партыяў”. Ён быў ўнесены ў “парлямэнт” Аляксандрам Лукашэнкам і прыняты “палатай прадстаўнікоў” 5 чэрвеня. Дапаўненьні прадугледжваюць магчымасьць ліквідацыі палітычных партыяў ці грамадзкага аб’яднаньня за аднаразовае парушэньне заканадаўства аб масавых мерапрыемствах, калі адказныя за іх правядзеньне асобы “не забясьпечылі належны парадак, што пацягнула нанясеньне шкоды ў буйным памеры ці істотнай шкоды законным інтарэсам грамадзянаў, арганізацыям або дзяржаўным ці грамадзкім інтарэсам”.
Такую пазыцыю прэзыдэнт Усясьветнай асацыяцыі беларускіх габрэяў матывуе шматлікімі фактамі разбурэньня габрэйскай гістарычна-культурнай спадчыны й вандалізму на габрэйскіх захаваньнях у Беларусі, у прыватнасьці, нядаўнім апаганьваньнем 78 магілаў габрэйскіх могілак у Гомелі.
У час візыту ў Польшчу, які адбыўся ў мінулым месяцы, прэзыдэнт Буш знайшоў час для таго, каб наведаць Асьвенцым, адно зь месцаў, дзе былі ўчыненыя найбольш зьверскія злачынствы супраць людзей у гісторыі чалавецтва. Пасьля завяршэньня агляду ён адзначыў: “Гэтае месца зьяўляецца яскравым нагадам, што цывілізаваны сьвет ніколі ня мусіць забываць на тое, што тут адбывалася. Захавай Госпадзі душы ахвяраў і іх блізкіх, мы будзем памятаць пра іх вечна”.
Вышэйшы гаспадарчы суд Рэспублікі Беларусь 28 траўня распачаў вытворчасьць па зысках выдавецкага прыватнага ўнітарнага прадпрыемства "Марат" да Міністэрства інфармацыі Рэспублікі Беларусь аб прызнаньні несапраўдным вынясеньне «Белорусской деловой газете» папярэджаньня № 26 ад 22.05.2003г. (за публікацыю "Где "леоновские миллионы"? Прокуратура республики не может ответить на этот вопрос. Ищет..." в №62 от 29.04.2003г.) і прызначыў слуханьні на 12 чэрвеня. 10 чэрвеня суд паведаміў удзельнікам працэсу аб пераносе разьбіральніцтва на больш позьні тэрмін у сувязі з хваробаю судзьдзі Мікалаевай.
Пагадненьне аб супрацоўніцтве паміж Рэспублікай Беларусь і Беларускай Праваслаўнай Царквою (БПЦ) падпішуць 12 чэрвеня ў Менску прэм’ер-міністар нашай краіны Генадзь Навіцкі й Мітрапаліт Менскі й Слуцкі Філарэт, Патрыяршы экзарх усёй Беларусі.
11 чэрвеня а 16.50 опэрупаўнаважаны УУС Менгарвыканкаму старэйшы лейтынант міліцыі Лісіновіч Сяргей Віктаравіч у памяшканьні УП «Марат», якое зьяўляецца заснавальнікам «Белорусской деловой газеты», канфіскаваў 8 пачак (каля 1600 асобнікаў) нерэалізаванага накладу «Предпринимательской газеты» з матэрыяламі «БДГ». Паводле прысутных супрацоўнікаў аддзелу распаўсюду УП «Марат», міліцыянтаў было сямёра: яны прыйшлі ў штацкім і дзейнічалі без прад’яўленьня прадпісаньня на правядзеньне дзеяньняў на тэрыторыі прадпрыемства. «Предпринимательская газета» з матэрыяламі «БДГ» была надрукаваная ў Смаленску накладам 15 000 асобнікаў і дастаўленая ў Менск у ноч з 10 на 11 чэрвеня.
Стратная эканоміка 16:06, 12/06/2003, Віталь Чуясаў, Іван Патопаў, «Аргументы и факты в Беларуси»
У Беларусі расьце доля стратных прадпрыемстваў: на пачатак лета амаль кожнае другое ледзь існавала. Чаму ўлады не закрываюць заводы й фабрыкі, прадукцыю якіх ніхто не жадае набываць, а калі яна і прадаецца, то атрыманыя грошы не пакрываюць выдаткаў на яе выпуск?
Цяперашняя сытуацыя з запазычанасьцю народнай гаспадаркі рэспублікі за расходаваныя нафтапрадукты ў бягучым годзе ставіць прадпрыемствы нафтапрадуктаў і забесьпячэньня ў цяжкую сытуацыю. Пра гэта заявілі “Интерфаксу” ва ўпраўленьні нафтапрадуктаў канцэрну “Белнафтахім”.
Рэспубліканскае ўнітарнае прадпрыемства (РУП) "ВА "Беларуснафта" у студзені-траўні бягучага году здабыла 745760 тонаў нафты, што на 3,1% меней, чым за аналягічны пэрыяд леташнега году. Пра гэта "Интэрфаксу" паведамілі ва ўрадзе Беларусі.
Шыць шыем... 11:52, 12/06/2003, Алена Дзенісенка, «Вечерний Минск»
Да дня работнікаў лёккай прамысловасьці прымеркаваў сустрэчу з журналістамі прэзыдэнт канцэрну “Беллегпрам” Э.Нарышкін. Эдуард Міхайлавіч нагадаў, што гэтая галіна – буйнейшая ў Беларусі: на яе долю прыпадае каля 30 адсоткаў нехарчовых тавараў народнага спажываньня. Зь іх 80 адсоткаў складае прадукцыя беларускага дзяржаўнага канцэрну. Нягледзячы на сьвяточны настрой, на прэс-канфэрэнцыі згадалі і пра праблемы ста прадпрыемстваў “Беллегпраму”. Галоўнай, паводле Эдуарда Міхайлавіча, была і застаецца збыт гатовай прадукцыі.
Урад Польшчы даручыў міністру замежных справаў Уладзімежу Цімашэвічу пачаць працу па пераносу на больш позьнюю дату ўвядзеньне візаў для Расеі, Беларусі і Ўкраіны. Як паведаміла польскае інфармагенцтва РАР, такое рашэньне ўрад краіны прыняў у ноч з 10 на 11 чэрвеня.
У атрыманьні хабару абвінавачаны генэральны дырэктар Гомельскага судабудаўнічага-сударамонтнага заводу Яўген Корзун. Затрыманы прызнаў, што атрымаў аванс у суме 5 тысячаў даляраў ЗША ад расейскай фірмы. Ад Я.Корзуна патрабавалася дапамагчы прадаць па мінімальным кошце на аўкцыёне адзін з завадзкіх цэхаў.
У інфэкцыйную лякарню Горадні дастаўлены двое дзетак, якія нядаўна прайшлі курс лекаваньня ад “сярознага менінгіту”. Пра гэта ОНТ паведамілі гарадзенскія мэдыкі. У пачатку траўня ў Горадні быў зарэгістраваны выбух захворваньня на менінгіт. Цягам месяца з падозраньнем на гэтае захворваньне ў абласную інфэкцыйную лякарню было шпіталізавана больш за 200 чалавек. У ліку хворых у асноўным дзеці ва ўзросьце ад 2 да 14 гадоў.
Больш за 29 тысячаў дзяцей-інвалідаў налічваецца на дадзены момант у Беларусі. Паводле інфармацыі амбасады рэспублікі ў РФ, штогод у Беларусі прызнаюцца інвалідамі каля 4 тысячаў чалавек ва ўзросьце да 18 гадоў.
У выніку траўмаў на вытворчасьці ў Беларусі штогод гіне каля 250 чалавек. Больш за 20 тысячаў інвалідаў працы прэтэндуюць у рэспубліцы на грашовую кампэнсацыю.
Акт вандалізму, учынены невядомымі на гарадзкіх могілках "Асаўцы", сур’ёзна занепакоіў грамадзкасьць Гомелю. Паводле супрацоўнікаў прэс-службы ўпраўленьня ўнутраных справаў, зьняважаныя 34 помніка і надмагільля, разьмешчаных на адной з аддаленых алеяў могілак. Малаверагодна, што гэта было зроблена па рэлігійных матывах, бо тут захаваныя людзі розных вераспавяданьняў. Паводле дадзенага факту ідзе разьбіральніцтва.
, iнформэр
