Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Барысаўскія міліцыянты ўзялі пад свой кантроль усе рынкі гораду 13:58, 16/06/2003
Па дамоўленасьці з кіраваньнем гандлю гарвыканкаму міліцыя Барысаву ўзяла пад свой кантроль усе рынкі гораду. Штодзень міліцэйскія нарады будуць сачыць тут ня толькі за грамадзкім парадкам, але і за захаваньнем правілаў гандлю.
У размове з карэспандэнтам БелаПАН начальнік Барысаўскага ГАУС, палкоўнік Аляксандар Будзько патлумачыў гэткія меры неабходнасьцю ўзмацненьня ў летні пэрыяд кантролю за дзеяньнямі адміністрацыяў рынкаў, супрацоўнікаў лябараторыяў вэтсанэкспэртызы і гандляроў, якія прадаюць харчовыя тавары без папярэдняй праверкі. Часта такі гандаль ажыцьцяўляецца па падробленых дакумэнтах, а прадаўцы ня маюць санітарных кніжак. Без міліцыі нельга ні канфіскаваць такі тавар, ні затрымаць парушальніка, падкрэсьліў А.Будзько.
Трэба адзначыць, што гарвыканкам забавязаў кіраўніцтва рынкаў заключыць дамовы аб сталым супрацоўніцтве на гаспадарчай аснове з спэцыялізаваным аддзелам ГАУС, а для міліцэйскіх нарадаў да 15 чэрвеня арганізаваць падрыхтоўку, зьвязаную з вывучэньнем спэцыфікі парушэньняў грамадзкага парадку й законнасьці на рыначных гандлёвых аб’ектах.
, iнформэр
