Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Чэхія пацьвердзіла свой эўрапэйскі выбар 11:54, 16/06/2003
У Чэхіі завяршыўся двухдзённы рэфэрэндум аб далучэньні краіны да Эўрапэйскага зьвязу. У суботу, а 14 гадзіне па мясцовым часе, закрыліся ўчасткі для галасаваньня й пачаўся падлік бюлетэняў.
57% грамадзянаў з правам голасу прынялі ўдзел у рэфэрэндуме. Больш за 80% зь іх выказаліся за далучэньне да Эўрапэйскага зьвязу. Чэхі прадэманстарвалі, што не баяцца тых новых магчымасьцяў, якія адкрывае для іх супольнасьць эўрапэйскіх дзяржаваў. Прэм’ер-міністар й міністар замежных справаў адзначылі, што ўпершыню грамадзяне краіны самастойна вырашалі, да якога міжнароднага зьвязу ім далучацца. Упершыню пасьля распаду Чэхаславацкай Фэдэрацыі дзесяць гадоў таму, абедзьве дзяржавы - Чэхія й Славакія -- аб’ядноўваюцца аднымі арганізацыйнымі сувязямі.
