Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Магілёве за адну ноч абрабавана 15 машын супрацоўнікаў УУС 11:06, 16/06/2003, ОНТ
Дзёрзкае злачынства адбылося ў Магілёве супраць асабістай маёмасьці супрацоўнікаў абласнога Ўпраўленьня ўнутраных справаў. Ад рук зламысьленікаў пацярпелі 15 прыватных аўтамабіляў.
Аўтамабілі стаялі на ноч каля будынку УУС на неахоўваемай стаянцы. Злачынцы разьбьлі ў іх шкло, выкралі аўтамагнітолы і іншыя каштоўныя рэчы, якія былі ў салёнах. Цікава, што пашкоджаныя былі толькі аўтамашыны супрацоўнікаў міліцыі, хаця гэтая стаянка агульная. Тут стаяць і аўтамабілі жыхароў дамоў, што паблізу.
Затрымаць злачынцаў па гарачых сьлядох не ўдалося. Зараз ідзе сьледзтва. Паводле папярэдніх ацэнак праваахоўчых органаў, злачынства было добра сплянаваным. Мяркуючы па ўсім, дзейнічала вялікая група людзей. Таксама сьледчыя не выключаюць, што мэтай злачынства было пачуцьцё помсты. Супрацоўнікі Магілёўскага УУС пакуль не камэнтуюць сытуацыю.
, iнформэр
