Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Гомельскай вобласьці расьце колькасьць беспрацоўных 11:01, 20/06/2003, www.praca.by
Колькасьць афіцыйна зарэгістраваных беспрацоўных у Гомельскай вобласьці складае на дадзены час 24,2 тыс. чалавек. Гэта амаль на 5 тыс. чалавек болей, чым на адпаведную дату леташнега году. Як паведамілі ва ўпраўленьні службы занятасьці насельніцтва, узровень беспрацоўя па вобласьці складае зараз 3,8%.
Адмыслоўцы лічаць, што асноўнымі прычынамі павелічэньня колькасьці беспрацоўных у параўнаньні зь леташнім годам сталі рэарганізацыя і пабуйненьне прадпрыемстваў аграпрамысловага комплексу, якія вядуць да скарачэньня апарату кіраваньня, а таксама рост коштаў на камунальныя паслугі. Справа ў тым, што згодна заканадаўству, асобы, якія стаяць на ўліку ў цэнтрах занятасьці, маюць істотныя ільготы пры аплаце камунальных паслугаў, а таксама ў іншых сацыяльных сфэрах. Сярэдні ўзровень беспрацоўя ў рэспубліцы, а гэта паказчык суадносінаў колькасьці беспрацоўных да эканамічна актыўнай часткі насельніцтва, складае 3,3%. Самы высокі паказчык на дадзены час у Віцебскай вобласьці - - 4,6%.
