Вялікабрытанія аб`явіла пра больш жорсткі іміграцыйны кантроль :: Хартыя'97 :: Навiны

Улады Вялікабрытаніі аб’явілі сёньня пра больш жорсткі кантроль для грамадзянаў 16 краінаў. Цяпер, як адзначаецца ў афіцыйным паведамленьні ўраду краіны, грамадзянам пералічаных ў сьпісе краінаў патрабуецца атрымаць візу для пераездаў праз тэрыторыю Вялікабрытаніі ў трэція краіны. Прынятае рашэньне тычыцца грамадзянаў Албаніі, Беларусі, Мьянмы, Бурундзі, Гамбіі, Кот д`Івуара, Лібэрыі, Рэспублікі Македонія, Малдовы, Непалу, Руанды, Сенегалу, Сьера-Леоне, Судана, Вьетнаму, жыхароў Палясьцінскай нацыянальнай аўтаноміі. Акрамя таго, урад Вялікабрытаніі аб’явіў пэрыяд адтэрміноўкі ўвядзеньня дадзеных абмежаваньняў да 23:59 лёнданскага часу 28 чэрвеня (2:59 мск 29 чэрвеня) для тых грамадзянаў пералічаных дзяржаваў і аўтаноміяў, якія набылі квіткі й турыстычныя пуцёўкі раней за 23 чэрвеня.