Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
После смерти Василя Быкова, отношение к нему самому и его литературному наследию на государственном уровне должно измениться, считают некоторые литераторы.
Некаторым галоўным дзеячам ранейшага рэжыму Іраку, у іх ліку двум сынам Садама Хусэйна, былі выдадзеныя пашпарты Беларусі. Пра гэта паведамляе ў сераду газэта “Нью-Ёрк таймс” з спасылкаю на высокапастаўленых супрацоўнікаў ураду ЗША.
Нядаўна Цэнтральная выбарчая камісія Беларусі выступіла з выказваньнем аб тым, што Кангрэс Злучаных Штатаў Амэрыкі нібыта падоўжыў тэрмін паўнамоцтваў Прэзыдэнта Франкліна Рузвэльта. Гэта цалкам не адпавядае рэчаіснасьці. Прэзыдэнт Рузвэльт быў канстытуцыйна абраны на чатыры тэрміны запар і займаў гэтую пасаду з 1933 па 1945 год.
Аляксандар Лукашэнка не прысутнічаў на пахаваньні Народнага пісьменьніка Беларусі Васіля Быкава. Паводле зьвестак з адміністрацыі прэзыдэнта, у дзень пахаваньня Быкава Аляксандар Лукашэнка паехаў у Сьветлагорскі раён. Разьвітацца зь пісьменьнікам у Дом літаратараў, дзе на дадзены час праходзіць жалобная цырымонія, прыйшлі толькі некалькі прадстаўнікоў афіцыйнай улады. Пры гэтым тысячы людзей працягваюць праходзіць праз галоўную залю Дому літаратараў, дзе аддаюць апошнія пашаны клясыку беларускай літаратуры.
Сёньня ў сталічным Доме літаратара пройдзе цырымонія разьвітаньня з Васілём Быкавым. Народнага пісьменьніка Беларусі пахаваюць на Ўсходніх могілках Менску. Праводзіць яго ў апошні дзень напэўна прыйдзе шмат людзей. Некаторыя адмыслова прыедуць з іншых краінаў. Аднак да гэтага часу невядома, ці прыме ўдзел у жалобным мерапрыемстве вышэйшае кіраўніцтва Беларусі.
Рыгор Барадулін быў адным зь нямногіх, з кім Васіль Быкаў сустрэўся, як толькі прыехаў у Менск. Як распавёў нам Рыгор Іванавіч, казалі яны "як заўсёды пра жыцьцё". Васіль радаваўся, што вярнуўся на радзіму. Але адчувалася, што ў душы ён ведае, што гэта практычна назаўжды. Я і не пытаўся, на колькі... Рыгор Іванавіч цяжка перажываў сьмерць свайго сябра і адзінадумца, з разуменьнем адгукнуўся на просьбу згадаць, якімі яны былі – апошнія дні жыцьця вялікага пісьменьніка. Для “Комсомолки” Барадулін прыадкрыў свой асабісты дзёньнік.
Сваякі ды аднавяскоўцы пісьменьніка зь вёскі Бычкі Ўшацкага раёну, колішнія аднаклясьнікі ды знаёмцы з Кубліцкае сярэдняе школы сабраліся на жалобны мітынг-рэквіем. А ў Віцебску, дзе Васіль Быкаў вучыўся ў мастацкай вучэльні, жалобную акцыю правялі прадстаўнікі тутэйшых дэмакратычных сілаў.
Міліцыянты ў аўторак вечарам разагналі акцыю непаўнагадовых навучэнцаў Нацыянальнага дзяржаўнага гуманітарнага ліцэю імя Якуба Коласа ў цэнтры беларускае сталіцы. Маладзёны абаранялі права вучыцца ў сваёй улюбёнай навучальнай установе, якую ўлады мерацца зьліквідаваць. Затрыманы намесьнік дырэктара ліцэю Лявон Баршчэўскі й яшчэ два чалавекі. Самі ліцэісты зьведалі міліцэйскія тумакі й абразы.
Днямі ля Цікрыта амэрыканцы затрымалі Абэда Хаміда Махмуда, асабістага сакратара й целаахоўніка Садама Хусэйна, пры гэтым яны знайшлі ў яго некалькі беларускіх пашпартоў на розныя імёны. З гэтай сэнсацыйнай навіною выйшаў учорашні нумар газэты “Індэпэндэнт”. “Абэд Хамід толькі што вярнуўся з Сырыі, дзе і атрымаў пашпарты – верагодна, без ведама сырыйскіх уладаў”, -- паведаміў брытанскаму выданьню нейкі Хосьняр Зэбары, “прадстаўнік адной з курдзкіх партыяў, блізкі да спэцслужбаў, якія вядуць паляваньне на Хусэйна”.
Нядзельным вечарам дзяржава нечакана папярэдзіла сваё распаволенае насельніцтва: вораг ужо даўно ля брамаў. І тут адбыўся залп па праціўніку з уісх відаў інфармацыйнай зброі. Беларусам патлумачылі, што Менск вымушаны заняць колавую абарону: на Заходнім фронце без пераменаў – там супрацьстаяньне не спынялася, а зараз і на Ўсходнім фронце ў бой кінуты расейскі рубель.
У ноч на аўторак у Іраку быў арыштаваны былы міністар інфармацыі ўраду Садама Хусэйна Махамэд Сааф. Паводле Reuters, яго арыштавалі на адным з блёкпастоў у прадмесьці Багдаду. Пры гэтым інфармагенцтва спасылаецца на інтэрвію ананімнага афіцэра з штабу кааліцыі, якое той даў брытанскай газэце Mirror. Ніякіх афіцыйных пацьверджаньняў з боку амэрыканскіх вайскоўцаў не паступала.
Разьвітаньне з Васілём Быкавым праходзіць у гэты дзень у Менску. З 10 гадзінаў раніцы тысячы людзей ідуць і ідуць праз галоўную залю Дому літаратара, дзе аддаюць апошня шанаваньні сусьветна вядомаму пісьменьніку. Чорнае ўбраньне залі, завешаныя вокны й люстэркі, бел-чырвона-белыя сьцягі й мора жывых кветак – так праходзіць сыход ад нас клясыка беларускай літаратуры.
З 1 ліпеня 2003 году ў сувязі з уступленьнем у моц закону аб абавязковым страхаваньні грамадзянскай адказнасьці транспартных сродкаў кожны кіроўца, які заяжджае ў Расею, незалежна ад грамадзянства павінен мець поліс. Як і грамадзяне Расеі, адпраўляючыся ў Эўропу, павінны мець “зялёную карту”.
Пуцёўкі ў санаторыі, прафілякторыі й дамы адпачынку ў Беларусі падаражэюць з 1 ліпеня ў сярэднем на 4%, паведамілі ў Рэспубліканскім цэнтры па аздараўленьні й санаторна-курортным лячэньні.
Працэдуру стварэньня сумеснага прадпрыемства “Белтрансгазу” і “Газпрому” плянуецца завершыць да 1 ліпеня. Пра гэта заявіў журналістам 24 чэрвеня першы намесьнік прэм’ер-міністра Беларусі Сяргей Сідорскі, камэнтуючы вынікі нарады, якую кіраўнік дзяржавы правёў па пытаньні стварэньня сумеснай беларуска-расейскай газатранспартнай арганізацыі ў форме акцыянэрнага таварыства.
Нацыянальны алімпійскі камітэт Беларусі абураецца высокімі коштамі арганізатараў ХХVIII Алімпіяды й спрабуе зэканоміць на разьмяшчэньні ды тэлефонах. Беларускія спартовыя функцыянэры называюць будучую алімпіяду ў Афінах самай дарагой зь ліку мінулых спаборніцтваў і цьвердзяць, што паспрабуць выканаць пастаўленую прэзідэнтам Нацыянальга алімпійскага камітэту Беларусі задачу: заваяваць 25 залатых медалёў.
Запазычанасьць па заробнай плаце за люты не ліквідаваная ў шасьці раёнах Гомельсай вобласьці. Пра гэта паведаміў “Интерфаксу” старшыня камітэту па працы Гомельскага аблвыканкаму Віктар Сокараў.
Новую стратэгію рэабілітацыі забруджаных у выніку аварыі на Чарнобыльскай АЭС тэрыторыі прадставяць беларускія адмыслоўцы ў Жэневе ў Палацы нацыяў 27 чэрвеня. Пра гэта паведамілі “Интерфаксу” у аўторак у Камітэце па праблемах наступстваў катастрофы на Чарнобыльскай АЭС пры Савеце міністраў Беларусі.
, iнформэр
