Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусы разьвітваюцца з Васілём Быкавым 10:50, 25/06/2003
Разьвітаньне з Васілём Быкавым праходзіць у гэты дзень у Менску. З 10 гадзінаў раніцы тысячы людзей ідуць і ідуць праз галоўную залю Дому літаратара, дзе аддаюць апошня шанаваньні сусьветна вядомаму пісьменьніку. Чорнае ўбраньне залі, завешаныя вокны й люстэркі, бел-чырвона-белыя сьцягі й мора жывых кветак – так праходзіць сыход ад нас клясыка беларускай літаратуры.
Каля труны памерлага сядзяць яго жонка й родныя. У ганаровым карауле зьмяняюць адзін аднога сябры й калегі. У Доме літаратара сёньня можна ўбачыць, без перабольшваньня, усіх -- пісьменьнікаў, мастакоў, палітыкаў, журналістаў, бізнэсоўцаў. З Васілём Быкавым разьвітваецца ўся краіна.
Разьвітаньне з Васілём Быкавым будзе праходзіць да 13 гадзінаў. З 13 да 14 гадзінаў пройдзе грамадзянская паніхіда. Затым, як заплянавана, труну зь целам Васіля Ўладзімеравіча пранясуць ад Плошчы Перамогі да Плошчы Якуба Коласа. Адтуль траўрны картэж адправіцца на Ўсходнія могілкі Менску, дзе пройдзе пахаваньне.
