Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Іраку арыштаваны былы міністар інфармацыі Махамэд Сааф 10:52, 25/06/2003, Лента.Ру
У ноч на аўторак у Іраку быў арыштаваны былы міністар інфармацыі ўраду Садама Хусэйна Махамэд Сааф. Паводле Reuters, яго арыштавалі на адным з блёкпастоў у прадмесьці Багдаду. Пры гэтым інфармагенцтва спасылаецца на інтэрвію ананімнага афіцэра з штабу кааліцыі, якое той даў брытанскай газэце Mirror. Ніякіх афіцыйных пацьверджаньняў з боку амэрыканскіх вайскоўцаў не паступала.
Паводле афіцэра, пасьля зьвяржэньня рэжыму Хусэйна Сааф хаваўся ў сваіх сваякоў.
Міністар інфармацыі праславіўся на ўвесь сьвет у час вайны ў Іраку, калі ён штодзень даваў прэс-канфэрэнцыі, на якіх рапартаваў аб перамогах ірацкага войску і абяцаў разграміць войскі кааліцыі ў бліжэйшы час. За гэта ў амэрыканскай прэсе ён атрымаў мянушку Камічны Алі.
Яго вобраз стаў настолькі папулярным на Захадзе, што яго сталі выкарыстоўваць у рэклямным бізнэсе, выпускаць у выглядзе цацак. Патэтычныя прамовы міністра літаральна расьцягнулі на цытаты.
, iнформэр
