Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Андрэй Бітаў: эміграцыя Быкава – ганьба для Беларусі 15:56, 26/06/2003
"Гэта ганьба для маладой дзяржавы, якая валодала такiм гонарам сусьветнага маштабу, як Васiль Быкаў, што з-за канфлiкту зь беларускай уладай пiсьменьнiк вымушаны быў жыць за мяжой", -- такое меркаваньне выказаў у iнтэрвію БелаПАН вядомы расейскі пiсьменьнiк, прэзыдэнт расейскага ПЭН-цэнтру Андрэй Бiтаў.
Паводле словаў Бiтава, сяброўства якога з Васiлём Быкавым пачалося ў 1980 годзе, галоўнай чалавечай якасьцю пiсьменьнiка была "абсалютная, паталагiчная сумленнасьць". "Быкаў упiсаны ў сусьветную лiтаратуру назаўсёды, навечна, i нi з кiм не параўнальны. Ён найлепшы пiсьменьнiк аб самай важнай падзеi расейскай i беларускай гiсторыi XX стагодзьдзя -- вайне, -- сказаў А.Бiтаў. -- Мы даўно лiчым яго за расейскага пiсьменнiка, бо расейскі й беларускi народы роўна пацярпелi ад гэтай вайны".
На думку Бiтава, Быкаў "перамог яшчэ ў сыстэме СССР пры ўсiх забаронах на яго творы, аднак яго сумленнасьць не падыходзiла для новага часу, менш страшнага, але больш ганебнага, якi адбiўся на Быкаве вельмi жорстка".
Вяртаньне Васiля Быкава ў Беларусь перад сьмерцю Бiтаў лiчыць "асабiстым учынкам" пiсьменьнiка, якi "правёў сваю лiнiю да канца".
Расейскi ПЭН-цэнтар накiраваў спачуваньнi родным Быкава, аднак сам Бiтаў, якi цяжка хворы, ня змог прыехаць на пахаваньне.
