Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларусь разглядае магчымасьць павышэньня консульскіх збораў для грамадзянаў Вялікабрытаніі за выдачу транзітных візаў.
Як паведаміў у чацьвер журналістам на брыфінгу ў Менску прэс-сакратар беларускага МЗС Андрэй Савіных, гэты намер разглядаецца ў якасьці меры ў адказ і выкліканы рашэньнем Вялікабрытаніі аб увядзеньні з 24 чэрвеня 2003 году для грамадзянаў 16-ці краінаў, уключаючы Беларусь, патрабаваньня аб абавязковай наяўнасьці транзітнай візы пры пераезьдзе тэрыторыі Злучанага Каралеўства, перадае "Росбалт".
Беларускі МЗС разглядае свае пляны аб выроўніваньні сумаў консульскіх збораў за выдачу транзітных візаў у кантэксьце захаваньня прынцыпу ўзаемнасьці. Як паведаміў Савіных, на дадзены час консульскі тарыф за транзітную візу для грамадзянаў Вялікабрытаніі складае 15 фунтаў ці каля 25 даляраў. Паводле ягоных словаў, рашэньне Беларусі “будзе прынята пасьля дадатковых кансультацыяў з брытанскім бокам”.
