Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Намесьнік дзяржсакратара ЗША назваў Кім Чэн Іра «тыранам» 14:26, 31/07/2003
Жорсткую крытыку з боку Пхеньяна можа выклікаць выступ намесьніка дзяржаўнага сакратара ЗША Джона Болтана ў Сеуле, які назваў сёньня лідэра КНДР Кім Чэн Іра “тыранам”, які пакідае свой народ на існаваньне ў “пякельным жаху” голаду й галечы.
Гэтае выказваньне зроблена на тле актыўных кансультацыяў, накіраваных на як мага хуткі пачатак шматбаковых перамоваў па вырашэньні праблемаў, зьвязаных з выхадам Пхеньяну з рэжыму нераспаўсюду ядзернай зброі.
КНДР, сказаў Болтан у час лекцыі ў сеульскім Інстытуце Ўсходняе Азіі, “вельмі памыляецца, мяркуючы што распрацоўка ядзернай зброі ўмацуе яе бясьпеку”. Ён абвінаваціў таксама Пхеньян у распаўсюдзе тэхнялёгіяў масавага забойства і гандлі балістычнымі ракетамі. Паводле Болтана, КНДР не дае пакуль адказу на прапанову аб перамовах аб яе ядзернай праграме.
Амэрыканскі дыплямат асудзіў таксама Раду бясьпекі ААН за тое, што яна “не іграе тую ролю, якую павінна”, у вырашэньні сытуацыі вакол Паўночнай Карэі. Джон Болтан у часе турнэ па Ўсходняй Азіі ўжо наведаў Пекін, дзе правёў кансультацыю аб ядзернай праграме КНДР, а пасьля Сеулу прыбудзе ў пятніцу ў Токіа.
, iнформэр
