Вы находитесь на старой версии сайта "Хартия'97 - Новости Беларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандар Лукашэнка не выключае магчымасьці падаўжэньня сваіх прэзыдэнцкіх паўнамоцтваў у выпадку ўзьнікненьня ў Беларусі “надзвычайнай сытуацыі”. Пра гэта ён заявіў у пятніцу ў Менску на прэс-канфэрэнцыі, наладжанай для расейскіх рэгіянальных СМІ. “Я предупредил оппозицию, если ситуация в стране будет доведена до абсурда, это будет первейшей причиной для меня продлить свои президентские полномочия”, -- заявіў кіраўнік дзяржавы.
30 ліпеня 2003 году Прэзыдэнт падпісаў Указ № 335 "Аб рэспубліканскіх дзяржаўна-грамадзкіх аб`яднаньнях". Гэтым актам у краіне легалізуецца існаваньне псэўда-грамадзкіх арганізацыяў, якія цалкам знаходзяцца пад кантролям дзяржавы і ажыцьцяўляюць дзяржаўную палітыку ў недзяржаўным сэктары.
Амэрыканцы знайшлі сьведчаньні таго, што Ірак актыўна ажыцьцяўляў праграму па стварэньні зброі масавага знішчэньня, перадае передает Associated Press. Сярод доказаў - "ашаламляльныя" сьведчаньні іракцаў, якія працавалі з інспэкцыямі ААН перад пачаткам вайны. Амэрыканцам удалося захапіць тых, хто займаўся падманам інспэктараў.
Як і прагназавалася, на вялікай прэс-канфэрэнцыі для расейскіх СМІ 1 жніўня (у гэтыя хвіліны яна яшчэ працягваеццца) беларускі афіцыйны лідэр з усіх сілаў імкнуўся навесьці бляск на свой неяк пацьмянелы імідж самаадданага інтэгратара. Ужо ў самым пачатку кантакту з прадстаўнікамі ў асноўным рэгіянальных расейскіх мас-мэдыя Аляксандар Лукашэнка адным махам пераклаў віну за інтэграцыйны крызыс на злыя сілы за межамі сінявокай рэспублікі. Тыя праблемы, якія сёньня складваюцца ў беларуска-расейскіх адносінах, не ляжаць у плоскасьці Беларусі - вось так вытанчана сфармуляваў гэтую думку гаспадар сустрэчы.
На вялікай прэс-канфэрэнцыі сёньня Аляксандра Лукашэнку зноў “панесла”. Мы падаем частку ягоных цытат без камэнтараў. Спадзяемся, што кожны з вас будзе ў стане адрозьніць у іх хлусьню ад праўды...
31 ліпеня Віцебскі абласны суд вынес рашэньне аб ліквідацыі грамадзкага аб’яднаньня “Цэнтар моладзевых ініцыятываў “Контур”. Аб’яднаньне стала шырока вядомым у час мабілізацыйнай кампаніі да прэзыдэнцкіх выбараў у 2001 годзе.
ЗША атрымоўваюць усё новыя сьведчаньні пра гандаль зброяй паміж Беларусьсю й рэжымам Садама Хусэйна. Пра гэта заявіў амбасадар ЗША Майкл Козак у эксклюзіўным інтэрвію БелаПАН, прымеркаваным сканчэньню тэрміна яго працы ў якасьці кіраўніка амэрыканскай дыпляматычнай місіі ў Менску. Паводле амбасадара, амэрыканскія спэцыялісты ў Іраку атрымалі доступ “да файлаў і дакумэнтаў”. Такім чынам, для высьвятленьня ісьціны “нават не патрабуюцца паслугі спэцслужбаў”.
Арганізацыя па бясьпецы й супрацоўніцтву ў Эўропе зноў падвергла крытыцы ўлады Беларусі – за абмежаваньне свабоды слова. Прадстаўнік АБСЭ Фраймунт Дувэ заявіў у чацьвер, што закрыцьцё “Белорусской деловой газеты” і высылка з краіны карэспандэнта расейскай тэлекампаніі НТВ сталі новымі прыкладамі перасьледу незалежных СМІ афіцыйным Менскам.
Вышэйшы гаспадарчы суд адхіліў скаргу заснавальніка "Новой газеты Сморгони" Рамуальда Улана і прызнаў законным пазбаўленьне яго права займацца прадпрымальніцкай дзейнасьцю. Гэта была чацьвертая спроба прадпрымальніка абскардзіць рашэньне Гарадзенскага абласнога гаспадарчага суда.
Спадкаемцы 10:32, 01/08/2003, Алена Байкова, Тацяна Іўжэнка, «Независимая газета»
Слова “пераемнік” стала адным з найбольш модных тэрмінаў у краінах СНД пасьля расейскіх прэзыдэнцкіх выбараў 2002 году. Усе прэзыдэнты Садружнасьці былі абраныя яшчэ ў 1990-х гадох і амаль усе пераабіраліся на другі тэрмін. І ўсе, акрамя Гейдара Аліева, Сапармурата Ніязава, Эмамалі Рахмонава і Ўладзімера Вароніна, згодна Канстытуцыяў сваіх краінаў, ня могуць балятавацца на наступных выбарах.
31 ліпеня ў 8.30 група ліцэістаў ды іхных бацькоў прайшлі да будынку гарадзкога ўпраўленьня адукацыі Менгарвыканкаму (вул.Кірава, 5). Блізу 50 чалавек з плякатамі “Ліквідуецца адзіны беларускамоўны ліцэй”, “Беларускаму ліцэю — беларускую будучыню”, “Дайце нам вучыцца” і інш. наладзілі “жывы калідор”, каб паглядзець у вочы чыноўнікам, якія перашкаджаюць дзейнасьці ліцэю. Гэта ўжо другая падобная акцыя на тыдні (першы “жывы калідор” прайшоў 29 ліпеня). На працягу гадзіны, пакуль доўжылася акцыя, да ўдзельнікаў ня выйшаў ніводзін з чыноўнікаў камітэту адукацыі. Затое выпадковыя мінакі ахвотна падпісваліся ў абарону ліцэю: былі сабраныя 54 подпісы.
Ніязаўскі «рабфак» 10:28, 01/08/2003, Уладзімер ДУНАЕЎ, Алена ШАСЬЦЕРЫНА, «Известия»
Шчодры на выдумкі туркмэнскі прэзыдэнт Сапармурат Ніязаў сьледам за інстытутам двайнога грамадзянства прыняўся разьбірацца з адукацыяй. З гэтага часу, згодна новаму распараджэньню прэзыдэнта, каб паступіць у інстытут, маладым туркмэнам давядзецца або адслужыць у войску, або цягам двух ці трох гадоў займацца “грамадзка карыснай працай”, прычым па профілі абранага ВНУ. Першымі ахвярамі новаўвядзеньняў сталі некалькі выкладчыкаў, звольненых за падробку дакумэнтаў аб праходжаньні двухгадовай “бульбы”.
Васямнаццатага чэрвеня старшыня ўраду Беларусі Генадзь Навіцкі сустрэўся ў Санкт-Пецярбургу з прэм’ер-міністрам Расеі Міхаілам Касьянавым, дзе яны абмеркавалі пагадненьні аб пераходзе да адзінай валюты. Пасьля перамоваў з кіраўніком расейскага ўраду Навіцкі заявіў, што “нават тыя праблемы, якія яшчэ некалькі месяцаў таму падаваліся невырашальнымі, зараз вырашаюцца. Знойдзеныя вельмі тонкія падыходы да іх урэгуляваньня”. У той самы дзень на нарадзе ў Менску па пытаньнях выкарыстаньня расейскага рубля ў якасьці адзінай валюты саюзнай беларуска-расейскай дзяржавы прэзыдэнт Лукашэнка практычна дэзавуіраваў заяву свайго прэм’ера пра значнае збліжэньне беларуска-расейскіх пазыцыяў на шляху да ўкараненьня адзінай грашовай адзінкі і заявіў, што “палітычныя гульні з адзінай валютай катэгарычна выключаюцца”, паставіў перад Расеяй шэраг прынцыповых умоваў валютнага й палітычнага зьвязу. Адстаўка беларускага прэм’ера, абвінавачанага ў нявыплаце заробнае платы працаўнікам сяла, і адмова ў акцыянаваньні “Белтрансгазу” дзіўным чынам супалі з пачаткам новага этапу інфармацыйнай вайны паміж расейскімі СМІ і Беларусьсю.
Па стану на 1 чэрвеня 2003 году, на ўліку ў Наваполацкім гарадзкім Цэнтры занятасьці насельніцтва знаходзілася 1.976 беспрацоўных. Іх колькасьць у параўнаньні з пачаткам году павялічылася на 109 чалавек і склала 2,8 адсоткі да эканамічна актыўнага насельніцтва гораду, паведамляе БелаПАН.
Замежная крэдыторская запазычанасцьь беларускіх прадпрыемстваў за тавары, працу, паслугі суб’ектам гаспадараньня краінаў СНД за студзень-травень с.г. павялічылася на 14,1%, замежнадэбіторская - на 8,1% пры росьце спажывецкіх коштаў за гэты пэрыяд на 12,5%. Паводле афіцыйных дадзеных Міністэрства эканомікі Беларусі, замежная крэдыторская запазычанасьць за тавары, працу, паслугі на 1 чэрвеня с.г. пераўзышла замежную дэбіторскую запазычанасьць за тавары, працу, паслугі на 783,2 млрд бел. руб., ці ў 1,8 разы.
З пачатку году ў Менску зарэгістравана 13.268 злачынстваў, зь якіх 47 адсоткаў раскрыта, заявіў на прэс-канфэрэнцыі 31 ліпеня начальнік ГУУС Менгарвыканкаму генэрал-маёр міліцыі Анатоль Куляшоў. За паўгода на фоне агульнага нязначнага росту злачыннасьці адбылося зьніжэньне колькасьці цяжкіх і асабліва цяжкіх злачынстваў, у прыватнасьці, забойстваў і гвалтаваньняў, перадае БелТА. У той самы час, адзначыў начальнік ГУУС Менгарвыканкаму, за апошні час злачыннасьць у сталіцы значна "памаладзела": 62% усіх правапарушэньняў зьдзяйсьняюцца грамадзянамі ва ўзросьце да 30 гадоў.
Урадавыя навабранцы на мінулым тыдні дэманстравалі ўласьцівую беларускім уладам рашучасьць і нястомнасьць у ачышчэньні засекаў камэрцыйных банкаў у імя фінансаваньня АПК. Дзякуючы тэлевізіі поўнае пагружэньне новых чальцоў ураду замест хатняй люлькі ў “патрэбы й чаканьні простых працаўнікоў” стала ўсенародным набыткам. У рыдыюсе ўпэўненага прыёму тэлесыгналю ўся краіна магла назіраць, як міністры да позьняга часу шукаюць новыя формы разьлікаў з сельскай гаспадаркай, пакуль іх кіроўцы прэюць у “членовозах” ля Дому ўраду.
Газэта «Белорусский рынок» публікуе яшчэ адну падборку матэрыялаў, датычную ўвядзеньня ў дзеяньне Дэкрэту аб ліцэнзаваньні. Мы прапануем іх вашай увазе.
Вынікі дзейнасьці гаспадарчых судоў у першым паўгодзьдзі былі падсумаваныя на паседжаньні прэзыдуюму Вышэйшага гаспадарчага суда (ВГС) Беларусі. Першы намесьнік старшыні ВГС Яўген Сьмірноў паведаміў, што за поўгода ў гаспадарчыя суды краіны ў парадку зыскавай вытворчасьці паступіла 19.511 заяваў, што на 18% болей, чым за адпаведны пэрыяд леташнега году. Агульная колькасьць справаў, разгледжаных гаспадарчымі судамі за апошні пэрыяд, склала 14.519, што на 26% болей у параўнаньні з аналягічным пэрыядам 2002 году.
Украіна не выказвае зацікаўленасьці да плянаў ператварэньня рубля ў адзіную валюту Расеі й Беларусі. Пра гэта заявіў на прэс-канфэрэнцыі старшыня Нацыянальнага банку Ўкраіны Сяргей Тыгіпка. Ён знаходзіўся ў амэрыканскай сталіцы з двухдзённым працоўным візытам, у час якога правёў перамовы з кіраўніцтвам Міжнароднага валютнага фонду й прадстаўнікамі адміністрацыі ЗША.
ААТ “Орша” спэцыалізуецца на выпуску бытавых і вытворчых швачных машынаў. У ліпені яно выканала плян выпуску прадукцыі меней чым на 10 адсоткаў. Зь некалі магутнага заводу саюзнага значэньня звальняецца апошняя тысяча рабочых, бо ня маюць тут ні працы, ні заробку.
Аляксандар Лукашэнка 30 ліпеня выдаў Указ № 336 «Пытаньні Беларускага абароннага спартова-тэхнічнага таварыства». У адпаведнасьці з дакумэнтам БелОСТО у вызначаным парадку пераўтвараецца ў рэспубліканскае дзяржаўна-грамадзкае аб’яднаньне «Дабраахвотнае таварыства садзеяньню войску, авіяцыі й флёту Рэспублікі Беларусь» (ДОСААФ). Менавіта так гэтая арганізацыя называлася ў СССР. Асноўнымі яе задачамі зьяўляюцца "падрыхтоўка насельніцтва да абароны рэспублікі, падрыхтоўка адмыслоўцаў для Ўзброеных Сілаў, іншых войскаў і вайсковых фармаваньняў Беларусі, разьвіцьцё авіяцыйных, тэхнічных і ваенна-прыкладных відаў спорту, а таксама ўдзел у патрыятычным выхаваньні моладзі”.
Амаль тры месяцы жыхары Казахстану спрабавалі вярнуць грошы, якія ў іх канфіскавалі на беларускай мяжы. Ніхто ня верыў, а ў іх атрымалася! Равіль Губайдулін і двое яго прыяцеляў у красавіку прыехалі транзітам праз Беларусь у Літву за машынамі. На беларуска-літоўскай мяжы “транзітчыкі" незадэкляравалі валюту, і іх грошы былі канфіскаваныя. Кожны правозіў з сабой па тры-чатыры тысячы даляраў. Праблема ў тым, што паводле заканадаўства Казахстану, яны маглі сьмела правозіць па дзесяць тысячаў даляраў без дэклярацыі. Паводле нашых законаў яны такога права ня мелі.
, iнформэр
