Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Мінабароны Расеі навучае больш за 500 беларускіх вайскоўцаў 15:40, 04/08/2003
У 28 ваенна-навучальных установах міністэрства абароны Расеі навучаюцца больш за 500 беларускіх вайскоўцаў. Як паведаміў РІА "Новости" ў панядзелак намесьнік начальніка адміністратыўнага дэпартамэнту Сталага камітэту саюзнае дзяржавы Аляксандар Дзеўзо, у 2002-2003 навучальным годзе расейскія ваенныя ВНУ скончылі каля 140 чалавек зь Беларусі.
Навучаньне праходзіць у рамках рэалізацыі праграмы “Падрыхтоўка беларускіх вайскоўцаў у ваенна-навучальных установах міністэрства абароны РФ” па адзіных праграмах і плянах з мэтай павышэньня абароназдольнасьці “саюзнае дзяржавы”.
Праграмай прадугледжаная падрыхтоўка ваенных кадраў для камплектацыі Рэгіянальнай групоўкі войскаў (сілаў) узброеных сілаў Расеі й Беларусі па дэфіцытных спэцыяльнасьцях з мэтай укамплектацыі штатаных пасадаў. Паводле Дзеўзо, сродкі на рэалізацыю гэтай праграмы выдзяляюцца зь бюджэту “саюзнай дзяржавы”.
"На навучаньне й ўтрыманьне беларускіх вайскоўцаў накіроўваецца каля 82 млн расейскіх рублёў, зь іх дзьве траціны аплочвае Расея", - паведаміў прадстаўнік Сталага камітэту.
