Беларускія прадпрыемствы нафтахіміі пойдуць з малатка :: Хартыя'97 :: Навiны

МГК "Итера" падала заяўку на ўдзел у конкурсе на прыватызацыю нафтахімічных прадпрыемстваў Беларусі. Нядаўна кіраўніцтва кампаніі заявіла аб намеры стварыць нафтагазахімічную кампанію, якая зоймецца праектамі па перапрацоўцы газа і кандэнсату. "Итере" ўжо належыць 50% акцыяў беларускага прадпрыемства "Белпак". Зараз "Итера" зацікаўленая ў набытку гарадзенскага прадпрыемства "Азот", "Нафтану" і "Паламіру".

Свае прапановы ўраду Беларусі таксама заявілі АТ "ЛУКОЙЛ", АТ "Сургутнефтегаз" і іншыя. Намесьнік міністра ня змог сказаць, ці будуць умовы прыватызацыі больш лібэральнымі, чым тыя, па якім у чэрвені гэтага году выправіліся конкурсы па продажу пакетаў акцыяў чатырох беларускіх прадпрыемстваў - ААТ "Нафтан", "Палімір", "Горадня Азот", "Горадня Хімвалакно". Чэрвеньскія конкурсы не адбыліся з-за адсутнасці заявак на ўдзел.

Зараз заяўкі разглядае ўрад Беларусі, пасьля гэтага яны будуць прадстаўленыя галаве дзяржавы Аляксандру Лукашэнку. Пасьля ўхвалы будзе праведзены конкурс.

Паводле экспэртаў, Беларусь да канца бягучага году вымушаная будзе прадаць прадпрыемствы нафтахіміі: у бюджэце на бягучы год ад прыватызацыі дзяржуласнасьці заплянаваных паступленьняў у 430 млрд. беларускіх рублёў, а ў першым паўгодзьдзі паступленьні па гэтым артыкуле склалі каля 18 млрд. беларускіх рублёў.