Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Ад Уладзімера Навумава сышоў прэс-сакратар 10:42, 07/08/2003, Марына Коктыш, «Народная воля»
Начальнік упраўленьня інфармацыі й грамадзкіх сувязяў Міністэрства ўнутраных справаў падпалкоўнік Дзьмітры Партон напісаў рапарт аб сыходзе і дэмабілізаваўся з органаў унутраных справаў (дарэчы, днямі Дьмітры Якаўлевіч адзначыў дваццацігодзьдзе сваёй службы). Паводле нашай інфармацыі міністар унутраных справаў Уладзімер Навумаў падпісаў рапарт без папярэдняга запрашэньня свайго прэс-сакратара на размову.
Нагадаем, што Дзьмітры Партон прыйшоў працаваць у МУС ў 1999 годзе на пасаду дарадцы міністра па сувязях з грамадзкасьцю па запрашэньні экс-міністра ўнутраных справаў Беларусі Юрыя Сівакова. Застаўся на гэтай пасадзе і з прыходам новага міністра. Ні адзін раз яму даводзілася “рваць кашулю”, абараняючы гонар ведамстваў і яго начальнікаў...
Сядзець без працы Дзьмітры Партон не зьбіраецца. Ён намерваецца заняцца журналістыкай. Праўда, не ў Беларусі, а ў Расеі. Кіраўніцтва адной саліднай маскоўскай кампаніі прапанавала Дзьмітры Якаўлевічу ня толькі добры заробак, але і кватэру.
Забавязкі прэс-сакратара МУС пакуль выконвае былы першы намесьнік Партона Віталь Грынкевіч. Ці зьявіцца ва Ўладзімера Навумава новы прэс-сакратар ці на гэтую пасаду афіцыйна прызначаць В.Грынкевіча МУС адказаць цяжка.
, iнформэр
