Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На Віцебшчыне абвастраецца праблема беспрацоўя 12:51, 08/08/2003, БДГ
За сем месяцаў сёлетнега году ў Віцебскай вобласьці статус беспрацоўнага атрымалі больш за 23 тысячы чалавек, а запрасілі на працу прадпрыемствы і арганізацыі толькі 4 тысячы адмыслоўцаў. Дапамога па беспрацоўі павялічаная ў сярэднем да 22 тыс. рублёў, што ў 10 зь лішком разоў меней за сярэдні заробак. Колькасьць зваротаў у мясцовыя органы ўлады з просьбай аб аказаньні матэрыяльнай дапамогі павялічылася ў параўнаньні зь леташнім годам шматразова.
Як паведамляе БелаПАН, адмыслоўцы абласнога ўпраўленьня статыстыкі і аналізу зьвязваюць гэты рост з імклівым павелічэньнем колькасьці стратных суб’ектаў гаспадараньня, якія зараз складаюць амаль 56% іх агульнай колькасьці. Так, у прамысловасьці зафіксавана больш за 170 такіх прадпрыемстваў, у сельскай гаспадарцы - каля 400, а ўсяго паводле статыстычных справаздачаў іх амаль - 1000. У параўнаньні з аналягічным пэрыядам леташнега году рост стратнасьці ў эканоміцы вобласьці дасягнуў 9,5%. Пратэрмінованая запазычанасьць склала 60% агульнай сумы крэдытаў.
