Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пуцін сустрэнецца з Лукашэнкам, каб «закрыць пытаньне» аб адзінай валюце 12:09, 11/08/2003
Уладзімер Пуцін выказаўся за неабходнасьць у самы бліжэйшы час закрыць пытаньне аб увядзеньні адзінай валюты “саюзнай дзяржавы” Расеі й Беларусі. Як паведаміў прэзыдэнт Расеі на сустрэчы ў Крамлі з чальцамі ўраду, ён некалькі дзён таму размаўляў з прэзыдэнтам Беларусі. Паводле Пуціна, абодва лідэра дасягнулі дамоўленасьці вызначыць дату сустрэчы, каб канчаткова закрыць пытаньне аб увядзеньні адзінай валюты.
"Мы так ці інакш падыйшлі да той рысы, калі павінны прыняць канчатковае рашэньне”, -- сказаў кіраўнік расейскай дзяржавы. Ён таксама адзначыў, што дата сустрэчы двух прэзыдэнтаў будзе вызначаная па выніках паседжаньня расейска-беларускай працоўнай групы па ўвядзеньні адзінай валюты, якая пройдзе сёньня ў Маскве, перадае РІА "Новости".
