Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У пачатку лета сталічную станцыю мэтро, вядомую як “Плошча Незалежнасьцi”, зноў сталі афіцыйна называць-аб`яўляць-пісаць “Плошча Ленiна”. Дзіўна атрымалася, 10 гадоў на самой станцыі не змаглі замяніць надпіс “Плошча Ленiна”, праз гэта увесь час узьнікала блытаніна. А тут у лічаныя дні назву “Плошча Незалежнасьцi” зьмянілі на шыльдах, інфармацыйных пазначальніках, нават фанаграму з “Асьцярожна, дзьверы зачыняюцца…” па-новаму, дакладней па-старому, запісалі. На ўсе пытаньні кіраўніцтва мэтрапалітэну адказвала адназначна: станцыі проста вярнулі правільную назву. Згодна вэрсіі краўніцтва сталічнага мэтро, афіцыйнага рашэньня аб перайменаваньні станцыі менскія ўлады (а толькі яны могуць мяняць назву) так і не прынялі. А гэта азначае, што ўсе дзесяць гадоў станцыя называлася няправільна.
Адміністрацыя мясцовага гархарчгандлю аб`явіла пра забарону на рэалізацыю ў памяшканьні гастраному №20 незалежнага штотыднёвіка "Борисовские новости". Гэта ўжо пятая крама, зь якой "выганяюць" распаўсюднікаў папулярнага ў горадзе выданьня. Як заявіў БелаПАН яе галоўны рэдактар і заснавальнік Анатоль Букас, гэта працяг распачатай мясцовымі ўладамі 1 чэрвеня плянамернай кампаніі па скарачэньні накладу непадцэнзурнага ім выданьня.
Новы амбасадар ЗША ў Беларусі Джордж Крол прыбудзе ў краіну прызначэньня ў пачатку верасьня. Пра гэта паведамілі ў дыппрадстаўніцтве ЗША ў Беларусі. Раней паведамлялася, што Дж.Крол прызначаны на дадзеную пасаду рашэньнем прэзыдэнта ЗША ў пачатку траўня сёлетнега году. У першай палове 90-х гадоў Дж.Крол працаваў у Менску намесьнікам амбасадара Дэвіда Суорца, а затым, да прыезду ў Менск намесьнікам амбасадара Кенэта Ялавіца, — часовым даверчым у справах ЗША ў Беларусі. Да новага прызначэньня ў Менск, Дж.Крол займаў пасаду дарадцы-пасланца ў амэрыканскай дыпляматычнай місіі ў Маскве. Акрамя таго, працаваў у амэрыканскім дыпляматычным прадстаўніцтве ў Кіеве.
Учора акрэсьліліся пэрсанальныя контуры яшчэ адной каманды кандыдатаў у парлямэнтары. Аб’яднаная грамадзянская партыя, Партыя камуністаў Беларуская, Партыя БНФ, Беларуская сацыял-дэмакратычная Грамада і Беларуская партыя працы вынесьлі на нараду лідэраў “пяцёркі” свае сьпісы "кандыдатаў у кандыдаты" на выбарах. У агульнай складанасьці жадаючых прэтэндаваць на мандат дэпутата набралася больш за 300. Такім чынам, гэты зводны, пакуль чарнавы сьпіс партыйных кандыдатаў значна большы, чым трэба. У прыхільнікаў палітычных партыяў такія абставіны, па ідэі, павінны выклікаць аптымізм: іх кандыдаты могуць зь лішкам закрыць усе 110 выбарчых акругаў, якія будуць утвораныя напярэдадні выбараў у беларускі парлямэнт.
Пад «шапкай» расейскай «Новой газеты» выйшаў чарговы нумар “Белорусской деловой газеты”. Яго атрымалі падпісчыкі ў Беларусі і за мяжой. Газэту таксама можна набыць у прыватных распаўсюднікаў. Галоўная рэдактарка “БДГ” Сьвятлана Калінкіна сьцьвярджае, што папярэдні нумар гэткім жа накладам 10 тысяч асобнікаў за тыдзень разышоўся амаль цалкам. Надрукаваны ён быў у Маскве і дастаўлены ў Беларусь цалкам легальна. Наступны нумар “Белорусской деловой газеты” выйдзе ў сьвет таксама сумесна з “Новой газетой”. Гэта будзе праз тыдзень, 19 жніўня, а потым рэдакцыя плянуе аднавіць друкаваньне ў Беларусі, бо скончыцца трохмесячны тэрмін пакараньня, якое наклала на “БДГ” Міністэрства інфармацыі і друку.
Вялікая ўвага з боку супрацоўнікаў беларускіх сілавых структураў выклікалі сэмінары па падрыхтоўцы новага пакаленьня палітыкаў у рэгіёнах Беларусі, арганізаваныя фондам імя Фрыдрыха Эбэрта. Літаральна за некалькі дзён да пачатку сэмінарскіх заняткаў работнікі праваахоўчых органаў прыняліся скурпулёзна вывучаць праграму заняткаў, а таксама высьвятляць месцазнаходжаньне замежных лектараў.
Падобна на тое, што традыцыя, якая ўстанавілася за апошнія паўтара года – накіроўваць кіраўнікамі беларускіх дыпляматычных місіяў за мяжу выключна прафэсійных дыпляматаў – можа быць у бліжэйшы час парушаная. У тым выпадку, калі новым Надзвычайным і Паўнамоцным амбасадарам Беларусі ў Кітаі стане цяперашні старшыня КДБ Леанід Ерын. А такое прызначэньне выглядае і вельмі праўдзівым.
Вы можете добавить еще что-то? "Конечно, они отличные ребята :" Действительно, подразделение Task Force 20 стало последней американской легендой: легендой отряда, выполняющего особо важные задания. Правые в Америке их боготворят: "Мы молимся, чтобы эти солдаты доставили нам Саддама, живым или мертвым". Их проклинают пацифисты всего мира: "Это наемные убийцы Буша, они, улыбаясь, убивают женщин и детей". Это подразделение окружает тайна, искусственно созданная американскими генералами. Не существует никаких неопровержимых данных. Некоторые свидетели описывают их как "очень молодых людей с бритыми головами" вместе с "седобородыми господами пенсионного возраста". Они одеты в гражданское или носят рабскую одежду, во время рейдов надевают черные майки со светящимися буквами на плечах и рабочие комбинезоны.
Былы начальнік рэспубліканскай гвардыі Садама Хусэйна захоплены ў аўторак у адным з раёнаў ірацкага гораду Цікрыта. Пра гэта з спасылкаю на афіцыйнага прадстаўніка амэрыканскіх акупацыйных войскаў падпалкоўніка Сьціва Расэла паведаміў амэрыканскі тэлеканал CNN.
Прысягай на вернасць Канстытуцыі ў ліпені 1994 году першы беларускі прэзыдэнт Аляксандар Лукашэнка абяцаў ашчасьлівіць свой народ па поўнай праграме. З таго часу прайшло дзевяць гадоў. Шлях, які прайшла краіна разам з усенародна абраным, аказаўся цярністым. Шчасьця штосьці не відаць, зато стратаў і не пералічыць. Мы страцілі, напрыклад, свабоды: слова, друку, сумленьня... Свабоду проста жыць. У выніку так званае беларускае пытаньне ўсё часьцей уключаецца ў павесткі дня міжнародных палітычных форумаў.
Самыя пасьпяховыя прадпрымальнікі Беларусі хутка атрымаюць у нагрузку нерэнтабельныя калгасы і будуць іх "выцягваць". Такое распараджэньне аддаў прэзыдэнт на нарадзе па пытаньнях жніва, якое трансьлявалася на ўсю краіну па тэлевізіі. У Беларусі і раней многія дзяржпрадпрыемствы бралі шэфства над гаспадаркамі, і ўсе работнікі пэрыядычна езьдзілі то на сенажаць, то на праполку буракоў, то на жніво. Некалькі гадоў таму нават у Нацбанка Беларусі быў "свой" калгас. Прапанаванае Аляксандрам Лукашэнкам новаўвядзеньне адрозьніваецца тым, што яго намерваюцца ўвесьці адносна прыватных прадпрымальнікаў. Фармальна ў дзяржавы няма для гэтага інструмэнтаў, бо ні адзін закон не дазваляе такім чынам дыктаваць сваю волю бізнэсу, аднак...
У гэтым сэзоне рэгулярная летняя рэклямная гульня кампаніі «Кока-Кола Бевриджиз Белоруссия», паводле намесьніка генэральнага дырэктара Аляксандра Дзянісава, пераўзышла ўсе чаканьні. Гульня пачалася 1 чэрвеня і завяршыцца 15 жніўня. У ёй прынялі ўдзел дзясяткі тысячаў чалавек, прызы атрымалі больш за 36 тыс., і на сёньня прызавы фонд па некаторых пазыцыях, у прыватнасьці, міні-радыё, ужо вычарпаны. А 5 жніўня быў абвешчаны галоўны пераможца - мянчук Сяргей Статкевіч выйграў пуцёўку на Балеарскія выспы (Гішпанія). Аднак, нягледзячы на маштабныя піяр-акцыі «Кока-Колы» на беларускім рынку, нягледзячы на тое, што па аб’ёмах продажу кампанія вярнулася на дакрызысны ўзровень 1996г. намесьнік генэральнага дырэктара «Кока-Кола Бевриджиз Белоруссия» Аляксандар Дзянісаў кажа, што значная частка нашага насельніцтва па-ранейшаму пье ваду з-пад крана.
Урад Расеі накіраваў ураду Беларусі ліст за подпісам віцэ-прэм’ера Віктара Хрысьценкі адносна стварэньня сумеснага прадпрыемства на базе "Белтрансгаза", паведаміла дасьведчаная крыніца ва ўрадзе РФ.
Органы дзяржкантролю Беларусі ў студзені-ліпені сёлетнега году пры праверцы фінансава-гаспадарчай дзейнасьці 6 тыс 861 арганізацыі й прадпрымальнікаў выявілі 6 тыс 708 парушэньняў дзейнага заканадаўства. Такія дадзеныя ўтрымліваюцца ў апублікаванай справаздачы старшыні Камітэту дзяржаўнага кантролю Анатоля Тозіка Аляксандру Лукашэнку.
, iнформэр
