Прэс-рэліз Дэмакратычнага блёку «Свабодная Беларусь» :: Хартыя'97 :: Навiны

12 жніўня 2003 г. адбылося паседжаньне Рады Дэмакратычнага блёку «Свабодная Беларусь». На ім абмяркоўваліся наступныя пытаньні:

Плян дзеяньняў Блёка на верасень-сьнежань 2003 г.

Падрыхтоўка да парлямэнцкіх выбараў 2004-га году.

Сябры Рады расцэньваюць акцыю рэжыму па закрыцьці Нацыянальнага гуманітарнага ліцэю як працяг кампаніі ўладаў па зьнішчэньні беларускай культуры й сыстэмы адукацыі.

Рада Блёку разглядае падвышэньне камунальнай платы як спробу за кошт беларускіх грамадзянаў вырашаць эканамічныя прблемы рэжыму.

Сябры Рады асуджаюць дзеяньні ўладаў, накіраваныя супраць сябра Рады Блёку «Свабодная Беларусь» Валерыя Шчукіна, незаконна пазбаўленага прапіскі ў г. Полацку.

Рада Блёку «Свабодная Беларусь» лічыць, што для зьмены сытуацыі ў краіне неабходна аб’яднаньне ўсіх дэмакратычных сілаў.