Савмін вывучае пасланьні расейцаў :: Хартыя'97 :: Навiны

У Савміне Беларусі ўважліва вывучаюць канкрэтызаваныя прапановы Расеі адносна ўмоваў стварэньня СП на базе ААТ "Белтрансгаз", выкладзеныя ў лісьце віцэ-прэм’ера Расеі Віктара Хрысьценкі. Пра гэта паведаміла "Интерфаксу" дасьведчаная крыніца ва ўрадзе Беларусі.

Паводле яе, у дадзеным лісьце больш “прадметна й жорстка расейскі бок кажа аб умовах, на якіх магчымае стварэньне газатранспартнага СП. Тым не менш, як заявіў суразмоўца агенцтва, “у беларускім ўрадзе пакуль не намерваюцца адступаць ад тых патрабаваньняў, якія былі пастаўленыя перад “Газпромам” і па якіх ўзьніклі разыходжаньні".

Як паведамлялася раней, прадстаўнікі ААТ "Газпром" і Беларусі на сустрэчы ў канцы ліпеня вызначылі разыходжаньні па пытаньні стварэньня СП на базе ААТ "Белтрансгаз".
Разыходжаньні зьвязаныя з коштам "Белтрансгаза", які ацэньваецца беларускім бокам у 5 млрд.даляраў. Пры гэтым кіраўніцтва рэспублікі лічыць нямэтазгодным правядзеньне незалежнай ацэнкі кошту кампаніі, адзначалі ў "Газпроме". У канцы чэрвеня “Газпром" падаў разьлікі і падыходы па эканамічнай эфэктыўнасьці ўкладаньня сродкаў на набыцьцё акцыяў "Белтрансгаза", якія значна адрозьніваюцца ад вызначанай беларускім бокам сумы.

"Газпром" намерваецца мець цьвёрдыя гарантыі вяртаньня інвэстыцыяў і магчымасьць рэальна ўплываць на фінансавую дзейнасьць будучага СП.