Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Уяўны сьвет прыносіць
цалкам рэальныя выгоды,
калі прымусіць жыць у ім іншых. Веслаў Брудзіньскі
Падобна, што міт пра беларускую талерантнасьць канчаткова перамог розум згаладнелага народа. Мазгі беларусаў перасталі адрозьніваць параною ад статыстычных справаздачаў. Кавунападобныя чыноўнікі, захінаючы тварамі ўвесь экран тэлевізара, даюць рапарты свайму начальніку, звар’яцеламу ад заняткаў спортам, аб незвычайных ураджаях і падвышэньні ўзроўню дабрабыту народа. Начальнік, не міргаючы вокам, распавядае суайчыньнікам пра ўрадлівую сёлета “пяцімэтровую кукурузу”. Самі суайчыньнікі, слухаючы гэтыя жахлівыя маналёгі, чакаюць бесплатнай раздачы кукурузных пачаткаў, памерам у чалавечы рост.
Сёньня ў Полацкім гарадзкім судзе разглядалася справа аб абвінавачваньні вядомага праваабаронцы й журналіста, актывіста дэмакратычнага блёку "Свабодная Беларусь" Валерыя Шчукіна ў хуліганстве. Яму інкрымінуецца парушэньне арт.156 Кодэксу “Аб адміністратыўных парушэньнях”.
Неяк павялося ў нашым жыцьці быць сьціплым і незаўважным, служыць дзяржаве ці яшчэ чаму-небудзь, прэтэндаваць за цесную “хрушчоўку” і малы заробак. Тых, хто выбіваецца з агульнага шэрагу, жадае большага, праяўляе самастойнасьць і ўпартасьць, здабываючы славу й прыбытак уласнай працай, не любяць, у лепшым выпадку зайздросьцяць. Але і ў такім атачэньні бываюць выключэньні – гераічныя асобы, якія насуперак лакейскаму настрою будуюць жыцьцё паводле свайго пляна і дасягаюць посьпеху. Толькі ў газэтах у нас рэдка пішуць пра герояў, баючыся ўзбудзіць рэўнасьць у слугаў і гаспадароў.
Фэдэрацыя прафсаюзаў Беларусі намерваецца актыўна ўдзельнічаць у парлямэнцкіх выбарах 2004 году, заявіў старшыня ФПБ Леанід Козік. Удзел ў працы парлямэнту дазваляе прафсаюзам актыўна ўплываць на заканатворчы працэс. Своеасаблівай падрыхтоўкай беларускіх прафсаюзаў да парлямэнцкіх выбараў ён назваў сёлетнія выбары ў мясцовыя Саветы дэпутатаў, куды абрана да 50 адсоткаў прафсаюзных актывістаў.
25 жніўня бацькі навучэнцаў Нацыянальнага дзяржаўнага гуманітарнага ліцэю імя Якуба Коласа (НДГЛ) зьвярнуліся да міністра адукацыі Беларусі Аляксандра Радзькова з патрабаваньнем вярнуць ім асабістыя справы іх дзяцей.
Звольнены з пасады віцэ-прэм’ера Аляксандар Папкоў, ужо амаль прызначаны куратарам “Дажынак”, пакорліва прыняў прапанову ачоліць Беларускі аграрна-тэхнічны ўнівэрсытэт, праседзіў на месцы рэктара ўсяго дзесяць дзён, і на мінулым тыдні прызначаны першым намесьнікам кіраўніка адміністрацыі прэзыдэнта. Лёс беларускага чыноўніка – умей чакаць і машчаць, пры якіх бы абставінах цябе ні здымалі з пасады. І на цябе не забудуць.
У суботу ў Вашынгтоне адзначалася саракагодзьдзе знакамітай прамовы негрыцянскага баптыскага прапаведніка і аднаго зь лідэраў руху за грамадзянскія правы, доктара Марціна Лютэра Кінга. Прамова 28 жніўня, якая пачыналася са словаў “У мяне ёсьць мара”, лічыцца адной з самых вырашальных момантаў у барацьбе за грамадзянскія правы негрыцянскага насельніцтва Злучаных Штатаў.
Благая навіна прыйшла з Уралу. Менавіта ў Бутке, на радзіме былога прэзыдэнта Барыса Ельцына, на мяжы закрыцьця апынулася дывановая фабрыка, на якой раней працавала 1500 чалавек. Пры гэтым працавітыя жаночыя рукі выраблялі апошнія тры гады прадукцыю, якая карысталася выключна вялікімі попытам: яны ткалі дываны з выяваю прэзыдэнта Ўладзімера Пуціна. У іконы расейскай палітыкі, кажуць зараз у Бутцы, больш няма прыхільнікаў. Як паведамляла газэта “Moscow Times”, прадаўцы дываноў прадавалі па сем-восем Пуцінаў у месяц, адзін дыван за 70 даляраў ЗША. У той жа час ёсьць попыт на дываны з выяваю Леніна, кажа адна з работніц. Назад у савецкі камунізм жадае вярнуцца таксама Чалябінскі металюргічны камбінат. Бронзавыя статуэткі Пуціна па 1500 даляраў ЗША за штуку пакрываюцца пылам на заводзкіх паліцах, кажа начальнік аддзелу маркетынгу Валеры Шыгалаў. Ён зьбіраецца зноў адліваць Сталіна.
Учора ў Менск прыляцеў кіраўнік МУС Расеі Барыс Грызлоў. Афіцыйная падстава візыту -- удзел у аб’яднанай калегіі расейскага й беларускага МУС. Аднак сёньня Грызлоў сустракаецца з Аляксандрам Лукашэнкам. Улічваючы значнасьць міністра ўнутраных справаў на расейскай палітычнай арэне, многія зьвязваюць візыт зь нейкай таемнай місіяй, даручанай яму Крамлём.
Блага накачваў 10:59, 26/08/2003, Вольга Тамашэўская, «Белорусская газета»
У мінулую пятніцу Аляксандар Лукашэнка зьняў з пасады свайго памочніка, кіраўніка галоўнага ідэалягічнага ўпраўленьня адміністрацыі прэзыдэнта Івана Карэнду. Афіцыйная прычына -- у сувязі з пераходам на іншую працу. У адміністрацыі прэзыдэнта карэспандэнту «Белорусской газеты» паведамілі, што Карэнда будзе працаваць у амбасадзе ў Маскве і курыраваць пытаньні інфармацыйнага забесьпячэньня.
Адзін зь лідэраў "Союза правых сил", лідэр думскай фракцыі СПС Барыс Нямцоў выступіў з рэзкай крытыкай Аляксандра Лукашэнкі за “падвойную гульню” ў працэсе стварэньня “саюзнай дзяржавы Расеі й Беларусі. "Перакананы, што Расея ў асобе прэзыдэнта Ўлаздімера Пуціна, адказных расейскіх партыяў шчыра жадае аб’яднаньня Расеі й Беларусі. У той самы час Аляксандар Лукашэнка вядзе падвойную гульню”, -- заявіў Нямцоў. “На словах Аляксандар Лукашэнка кажа пра братэрства і сяброўства, а насамрэч ні эканамічна, ні палітычна для аб’яднаньня Расеі й Беларусі нічога ня робіць”, -- сказаў ён.
Семдзясят гадоў таму Сталін адкрыў самы доўгі ў сьвеце канал. Упершыню ў гісторыі Савецкага Саюзу на стварэньне гэтага, сапраўды фараонскага, праекту былі накіраваныя палітвязьні й крымінальнікі. Так пачалася эпоха ГУЛАГу. Тыя, хто ў маладосьці пхаў гружаныя ваганэткі й тачкі, рыдляваў уручную і выжываў у расейскія маразы дзеля стварэньня першага манумэнтальнага тварэньня сталінскай эпохі, не жадаюць згадваць пра гэта нават праз сем дзесяцігодзьдзяў. Паводле дадзеных таварыства “Мэмарыял”, якое займаецца абаронай правоў чалавека і зборам інфармацыі аб злачынствах, зьдзейсьненых Савецкай дзяржавай у мінулым, на сёньня жывыя 50 вязьняў першага сталінскага ГУЛАГу. Гэта дзевяностагадовыя дзяды, і ніхто зь іх не жадае казаць пра перажытае.
Аляксандар Лукашэнка зьбіраецца кіраваць краінай яшчэ вельмі доўга. І хаця яго прэзыдэнцкія паўнамоцтвы заканчваюцца ў 2006 годзе, мяркуючы па ўсім, ён знойдзе спосаб, каб “устроіць” сабе трэці тэрмін кіраваньня, якога па Канстытуцыі Беларусі не існуе.
Старшыня Гарадзенскага гарвыканкаму Аляксандар Антаненка вечарам 25 жніўня быў дастаўлены ў кардыялягічнае аддзяленьне першай клінічнай лякарні з прыступам стэнакардыі.
Міжурадавае беларуска-польскае пагадненьне аб узаемных паездках грамадзянаў, якое рэгулюе парадак перасячэньня беларуска-польскай мяжы, падпісана ў аўторак у Менску.
Адкрыўшы энцыкляпэдычны даведнік «Беларускія пісьменьнікі» на артыкуле «Арлоў Уладзімер Аляксеевіч», я зьдзіўлена ўбачыў, што крытычная бібліяграфія пад артыкулам абмяжоўваецца адной спасылкай — маёй рэцэнзіяй на першы зборнік наваполацкага празаіка-пачаткоўца, зьмешчанай у віцебскай газэце аж у 1985 г. Што сёньня можна было б дадаць да той публікацыі? Арлова слушна называюць пераемнікам Караткевіча. Арлоў адрадзіў жанр падарожнага эсэ. Паводле ўзьдзеяньня на нацыянальную самасьвядомасьць ягоны тэкст «Незалежнасьць — гэта...» можа параўнацца толькі з курапацкімі артыкуламі Пазьняка. На праскім стале Быкава ляжала Ўладзева кніжка «Ордэн Белай мышы» — і гэта быў апошні мастацкі твор, які Быкаў прачытаў.
Не белая варона 15:30, 26/08/2003, Людміла Бутузава, Московские новости
Любімая показка ад Шака Кейты: “Стаіць негр і п’е малако з бутэлькі. Падыходзіць п’янаваты мужчына. Спачувальна назірае і нарэшце ставіць дыягназ: “Не-е, хлопец, хоць залейся – табе не дапаможа!”. Цёмнаскуры Кейта сьмяецца да ўпаду. А ў Афрыцы яго б не зразумелі. Там наагул не распавядаюць показак. Каб гэтаму навучыцца, кажа ён, трэба жыць сярод белых.
З 2005 году рубель стане адзінай валютай «союзнай дзяржавы» Расеі й Беларусі. Валютны союз будзе створаны на аснове расейскіх прапановаў. Магчымасьці беларусаў запускаць друкарны станок будуць абмежаваныя аб’ёмамі ВУП рэспублікі, які складае ўсяго 5% расейскага, у той час як раней беларусы настойвалі на ўдзеле ў вызначэньні аб’ёму грашовай эмісіі. Калі Лукашэнка ня зробіць новых палітычных сюрпрызаў, дамова аб адзіным рублі можа быць падпісанай ў верасьні.
Сорамна! 11:04, 26/08/2003, Генадзь Бураўкін, для «Белорусских новостей»
Наш затурканы, негаваркі ўрад "парадаваў" суайчыннікаў чарговай лёсавызначальнай пастановай. Строгім "бацькоўскім" вокам ён угледзеў у залапленым мяшку дзяржаўнага бюджэту старую дзірку, праз якую спрытныя зламыснікі хітра цягнуць цяжка заробленыя народныя набыткі, і рашуча — адразу і назаўсёды — заткнуў яе. Не іначай, як дзеля даўно абяцанага дабрабыту рабочых і сялян Савет міністраў па-чапаеўску, адным махам, забраў усе ільготы ў сівых пенсіянераў, у пасведчаннях якіх запісаны нячастыя сёння словы: "За асаблівыя заслугі".
У Беларусі зьявіўся першы чалец савету рэспублікі з крымінальным мінулым. 22 жніўня былы кіраўнік Беларускай чыгункі Віктар Рахманько, цяпер беспрацоўны, паўтара года пражываў у элітнай кватэры пад кругласутачным назіраньнем АМАПу. Асуджаны за шэраг злачынстваў, зьдзейсьненых ім у час дзяржслужбы. Чакалася, што з залі суда сэнатар выйдзе ў кайданках, -- прадстаўнікі рэспубліканскае пракуратуры, якія падтрымлівалі абвінавачваньне ў судзе, прасілі для абвінавачанага з дэпутацкай недатыкальнасьцю 9 гадоў пазбаўленьня волі з канфіскацыяй маёмасьці і пазбаўленьня правоў. Аднак Рахманько выйшаў свабодным чалавекам, хаця і віноўным у шэрагу цяжкіх злачынствах.
Эспэрты ва ўрадзе Беларусі лічаць, што цяперашні ўзровень коштаў і тарыфаў на жыльлёва-камунальныя паслугі для насельніцтва і адпаведна выдаткі грамадзянаў на іх аплату стварылі недастатковыя стымулы па эканоміі паслугаў.
26 жніўня ў Міністэрстве замежных справаў Рэспублікі Беларусь адбудзецца падпісаньне Пагадненьня паміж урадам Рэспублікі Беларусь і ўрадам Рэспублікі Польшча аб узаемных паездках грамадзянаў.
, iнформэр
