Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вядомы публіцыст, палітык і шматгадовы кіраўнік польскай рэдакцыі Радыё Свабодная Эўропа Ян Новак-Езяраньскі накіраваў ліст падтрымкі грамадзянскай арганізацыі “Ратуша”, якая судовым рашэньнем была зачыненая 21 жніўня.
У дзяржаўных сродках масавай інфармацыі апублікаваны Закон Рэспублікі Беларусь “Аб масавых мерапрыемствах”. У ім утрымліваецца цэлая сыстэма мераў, накіраваных на абмежаваньне канстытуцыйных правоў грамадзянаў і іх грамадзкіх аб’яднаньняў. У сувязі з гэтым бюро Цэнтральнага Камітэту Партыі камуністаў Беларускай зьвяртае ўвагу грамадзкасьці краіны на “адкрыта антыдэмакратычны і антыканстытуцыйны” харатар Закону “Аб масавых мерапрыемствах” і рашуча пратэстуе супраць яго прыняцьця і яго моцы, што павінна адбыцца 29 жніўня.
Два-тры гады таму Яўгена Лабановіча лічылі адным з самых пэрспэктыўных беларускіх палітыкаў. Яму яшчэ не было і трыццаці, але ён ужо ачольваў выканкам Аб’яднанай грамадзянскай партыі. Добра адукаваны, разумны, амбіцыйны - што яшчэ патрэбна маладому палітыку? Але пасьля Жэня зьехаў зь Менску. Нядаўна вярнуўся ў Менск - нарадзілася дачка. Але хутка зноў паедзе ў Цюмень, працаваць.
25 жніўня Міністэрства інфармацыі скасавала свой ранейшы загад аб скасаваньні рэгістрацыйнага пасьведчаньня газэты "День". Пра гэта прэсавай службе ГА "Беларуская асацыяцыя журналістаў" паведаміла намесьніца міністра інфармацыі Лілія Ананіч.
У кругавароце гучных кадравых перастановак апошняга часу засталося амаль незаўважаным звальненьне Івана Карэнды, якога Аляксандар Лукашэнка 21 жніўня вызваліў ад пасады памочніка прэзыдэнта – начальніка галоўнага ідэалягічнага ўпраўленьня прэзыдэнцкай адміністрацыі. Між тым, гэтае рашэньне сымбалічнае. Сёньня ў верхніх эшалёнах улады не патрэбныя паэты (памятаеце, Карэнда ў гэтым аплуа нават удзельнічаў у конкурсе тэкстаў дзяржаўнага гімна?). Сёньня патрэбныя жалезныя ідэолягі, энэргічныя праваднікі генэральнае лініі. Так што кадравыя рашэньні апошніх тыдняў вельмі лягічныя.
Шаноўныя калегі! Зьвяртаемся да вас у цяжкія часы, якія перажываем мы, выкладчыкі, нашыя навучэнцы і наш ліцэй. Мы хочам, каб вы ведалі аб’ектыўную праўду пра тое, што адбываецца. Наш ліцэй ліквідаваны Пастановаю Савета Міністраў №850 ад 25.06.2003 года. Мэта ліквідацыі, згодна з гэтай пастановай, – неабходнасьць “аптымізацыі сыстэмы навучальных установаў”. Марна шукаць сэнс гэтай “мэты”. Марна імкнуцца зразумець, што ж гэта за “аптымізацыя”, калі зьнішчаюць адзіную ў краіне навучальную ўстанову ліцэйскага тыпу, дзе ўсе дысцыпліны выкладаюцца на нашай роднай беларускай мове – не вам тлумачыць, што робяць зноў з беларускай мовай у сыстэме адукацыі.
У бліжэйшы час з санкцыі афіцыйнага Менску ў Беларусі могуць быць запушчаныя эўрапэйскія праграмы для краінаў-кандыдатаў у ЭЗ. Эўрапэйцы намерваюцца кінуць у Беларусь сотні мільёнаў эўра, каб зрабіць зь беларусаў праеўрапэйскі настроеную нацыю. У студзені сёлетнега году група дэпутатаў Эўрапарлямэнту на чале з Элізабэт Шрёдтэр (віцэ-прэзыдэнт дэлегацыі ЭЗ-Беларусь, эўрадэпутат нямецкай Партыі «зялёных») перадала на разгляд Эўрапарлямэнту і Эўракамісіі праект аб пашырэньні дзеяньня на Беларусь шэрагу адукацыйных і культурных праграмаў - «Леанарда да Вінчы», «Сакрат» і інш.
Эксцэнтрычны й харызматычны правадыр Лібіі палкоўнік Муамар Кадафі мог бы з поўным правам перафразаваць свайго беларускага калегу, гаворачы штосьці кшталту “па волі лёсу Лібія вылучылася на ролю духоўнага лідэра заходнеафрыканскае цывілізацыі”. Ва ўсялякім выпадку, у адрозьненьне ад Беларусі, дзе гэта было проста пустаслоўем, Кадафі прыкладае ўсе намаганьні, каб адпавядаць менавіта гэтай ролі.
Прэзыдэнт №2 11:02, 27/08/2003, Аляксандар Бандарэнка, БДГ / Новая газета
Калі б усе распараджэньні, указы й дэкрэты прэзыдэнта краіны выконваліся так рупліва, як яны рыхтуюцца да падпісаньня, то ў Беларусі ўжо амаль зь месяц працаваў бы адзін-адзіны прэзыдэнт. Да 1 жніўня Камітэт па стандартызацыі, мэтралёгіі й сэртыфікацыі пры Савміне і Мінсацабароны ў адпаведнасьці з распараджэньнем ураду абавязаны быў унесьці зьмены ў свае прававыя акты і вызначыць, што такое найменьне пасады як “прэзыдэнт” мае права прымяняцца выключна адносна кіраўніка дзяржавы. Усім астатнім «прэзыдэнтам» было прапанавана зьмяніць шыльду. Але, мяркуючы па ўсім, строгаму загаду падпарадкаваліся ня ўсе «прэзыдэнты». Ёсьць такія, хто наагул не жадае разьвітвацца з такой рэспэктабельнай назвай. Пагаворваюць, што адзін зь іх - кіраўнік Нацыянальнай акадэміі навук Міхаіл Мясьніковіч.
В преддверии нового учебного года многодетные семьи получат материальную помощь из бюджета Минска. Такое решение принял Мингорисполком. Как передает БЕЛТА, семьям, воспитывающим трех несовершеннолетних детей, будет выделена единовременная денежная помощь в размере 75 тысяч рублей. Если детей четверо, то семья получит 100 тысяч, если пять и более – 125 тысяч...
Вольгу Золіну не бяруць нават на стаўку пачынаючага доктара, хаця да гэтага яна была галоўным адмыслоўцам Менскай вобласьці. Калі мы сустрэліся, Вольга Ўладзімераўна сказала: “Справа не ўва мне, я без працы не застануся. Але хтосьці павінен сказаць праўду пра тое, што адбываецца". – “А вы не баіцеся наступстваў?”. – “Не, я сваё ўжо адбаялася...”
У Менску не зьмяншаецца колькасьць дзяцей, хворых на энтэравірусную інфэкцыю зь менінгіяльным сындромам. Пра гэта паведамілі “Интерфаксу” ў Міністэрстве аховы здароўя Беларусі. Паводле суразмоўцаў агенцтва, у пачатку жніўня з прызнакамі энтэравіруснай інфэкцыі зь менінгіальным сындромам у інфэкцыйныя аддзяленьні менскіх шпіталяў паступіла больш за 250 дзяцей ва ўзросьце да 14 гадоў.
На апошнім паседжаньні Нацыянальнай рады па працоўных і сацыяльных пытаньнях па загаду Фэдэрацыі прафсаюзаў Беларусі было прынятае рашэньне аб тым, што ўрад ня будзе да канца 2003 году падвышаць тарыфы на жыллёва-камунальныя паслугі.
, iнформэр
