У Менску працягваецца эпідэмія менінгіту :: Хартыя'97 :: Навiны

У Менску не зьмяншаецца колькасьць дзяцей, хворых на энтэравірусную інфэкцыю зь менінгіяльным сындромам. Пра гэта паведамілі “Интерфаксу” ў Міністэрстве аховы здароўя Беларусі. Паводле суразмоўцаў агенцтва, у пачатку жніўня з прызнакамі энтэравіруснай інфэкцыі зь менінгіальным сындромам у інфэкцыйныя аддзяленьні менскіх шпіталяў паступіла больш за 250 дзяцей ва ўзросьце да 14 гадоў.

Кажучы пра клінічныя праявы дадзенай інфэкцыі, у Міністэрстве аховы здароўя адзначыі, што ў дзяцей фіксуецца падвышаная тэмпература, галаўны боль, ваніты. Мэдыкі паведамілі, што інфэкцыяністы называюць крыніцай заражонасьці бытавы і паветрана-капельны шляхі заражэньня. Яны таксама нагадалі, што ў мэтах недапучшэньня распаўсюду дадзенай інфэкцыі ў беларускай сталіцы ўведзены апэратыўны плян супрацьэпідэміялягічных мерапрыемстваў, які прадугледжвае гіпэрхлярыраваньне ўсёй пітной вады, забарона на купаньне ва ўсіх адкрытых вадаёмах гораду, больш жорсткі кантроль за прадукцыяй малочных заводаў, мяса-і рыбакамбінатаў, а таксама прадпрыемствах, якія выпускаюць бутыліраваную ваду.