У калгасах Бярэзінскага раёну сялянам плоцяць заляжалымі таварамі :: Хартыя'97 :: Навiны

Арыгінальны спосаб разьлікаў за здадзенае прыватнымі гаспадаркамі малако знайшлі кіраўнікі асобных калгасаў Бярэзінскага раёну Менскай вобласьці. Замест выплатаў наяўнымі грашыма яны практыкавалі так званыя добраахвотна-прымусовыя разьлікі зь людзьмі заляжалымі таварамі зь мяцовых крамаў. Многія не пагаджаліся з такім парадкам выплатаў і нічога ў крамах не набывалі. Утвораную пры гэтым запазычанасць бухгальтэрыі калгасаў у справаздачныя дакумэнты не заносілі.

Работнікі Барысаўскага міжраённага ўпраўленьня Камітэту дзяржаўнага кантролю па Менскай вобласьці выявілі гэтае новаўвядзеньне і зафіксавалі ў раёне запазычанасьць па стану на ліпень у сотні мільёнаў рублёў. Як паведаміла БелаПАН в.а. старшыні гэтай кантрольнай структуры Тацяна Ермакова, выяўленыя і іншыя грубыя парушэньні, датычныя своечасовасьці й парадку выплатаў, скажэньні статыстычнай справаздачнасьці.

Кантралёры накіравалі справаздачу па выніках праверкі ў Бярэзінскі рыйвыканкам, дзе іх запэўнілі, што віноўныя ў скажэньнях справаздачнасьці і несвоечасовых разьліках з насельніцтвам за закупленае малако будуць прыцягнутыя да адказнасьці.