«Белтэлекам» зьніжае тарыфы :: Хартыя'97 :: Навiны

З 1 верасьня РА "Белтэлекам" зьніжае тарыфы на паслугі камутаванага парольнага й беспарольнага доступаў у Інтэрнэт для юрыдычных асобаў і для абанэнтаў ISDN.

Са згаданай даты ў 2 разы зьменшыцца пачасовая аплата камутаванага парольнага й беспарольнага доступу ў Інтэрнэт для абанэнтаў ISDN. Фактычна яна будзе раўняцца аналягічным тарыфам для юрыдычных асобаў і індывідуальных прадпрымальнікаў.

У сваю чаргу, пачасовая аплата на паслугу камутаванага парольнага доступу ў Інтэрнэт для юрыдычных асобаў і індывідуальных прадпрымальнікаў зьнізіцца па ўсіх часовых пэрыядах у сярэднем на 10%. Новыя тарыфы для юрыдычных асобаў, індывідуальных прадпрымальнікаў і абанэнтаў ISDN.

з 8.00 да 19.00 – 0,015 дал./хв,
з 19.00 да 2.00 – 0,009 дал./хв,
з 2.00 да 8.00 – 0,006 дал./хв;
у выходныя і сьвяточныя дні кругласутачна -0,009 дал./хв.

Пачатковая аплата на паслугу камутаванага беспарольнага доступу ў Інтэрнэт для юрыдычных асобаў і індывідуальных прадпрымальнікаў зьнізіцца ў сярэднем на 15 % і стане роўнай для юрыдычных асобаў, індывідуальных прадпрымальнікаў і абанэнтаў ISDN:

з 8.00 да 19.00 – 0,02 дал./хв,
з 19.00 да 2.00 – 0,012 дал./хв,
з 2.00 да 8.00 – 0,006 дал./хв,

у выходныя і сьвяточныя дні
з 9.00 да 2.00 - 0,015 дал./хв,
з 2.00 да 9.00 - 0,008 дал./хв.

А для агульнаадукацыйных школаў, ПТУ, тэхнікумаў і каледжаў у пэрыяд з 1 верасьня 2003 г. па 25 траўня 2004 г. згаданыя тарыфы на беспарольны доступ у Інтэрнэт будуць меней яшчэ на 15 %.