Мікола Маркевіч узначаліў ТБМ у Горадні :: Хартыя'97 :: Навiны

У Горадні адбылася справаздачна-выбарчая канфэрэнцыя гарадзкой арганізацыі ТБМ імя Ф.Скарыны. Новым старшынём абралі Міколу Маркевіча, які рэдагаваў газэту “Пагоня”, якую зьліквідаваў Вышэйшы гаспадарчы суд амаль два гады таму.

Дагэтуль менш за тры адсоткі гарадзенскіх школьнікаў навучаліся на беларускай мове. Цяпер і гэтая лічба зьменшылася. Мікола Маркевіч спадзяецца нейкім чынам нэйтралізаваць русыфікацыю ў школах.

Пасьля закрыцьця гарадзенскай газэты “Пагоня” суд пакараў за паклёп на прэзыдэнта Міколу Маркевіча і журналіста Паўла Мажэйку. Павал узначальвае цяпер гарадзенскую арганізацыю Беларускай асацыяцыі журналістаў. Сёньня трывае праверка філіі БАЖ’у. Яе праводзіць юрыдычная служба гарвыканкаму на замову Абласнога ўпраўленьня юстыцыі. Паводле Мажэйкі, вынікі стануць вядомыя на наступным тыдні.