Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
За адрозны погляд - папярэджаньне 11:01, 22/09/2003, www.belngo.info
Упраўленьне юстыцыі Гомельскага аблвыканкаму вынесла папярэджаньне Лоеўскаму грамадзкаму аб`яднаньню "Спрыяньне захаваньню навакольнага асяродзьдзя і культурна-гістарычнай спадчыны "Карані".
"Карані" атрымалі папярэджаньне празь месяц пасьля завяршэньня праверкі дзейнасьці аб`яднаньня гомельскім Упраўленьнем юстыцыі. У даведцы, падрыхтаванай чыноўнікамі па выніках праверкі, былі ўказаныя толькі дробныя парушэньні, якія не пацягнулі за сабой ніякіх санкцыяў. Але празь нейкі час аб`яднаньню вынесьлі папярэджаньне за разьмяшчэньне юрыдычнага адрасу ў жылым доме, што парушае Жыльлёвы кодэкс.
На думку сябраў "Каранёў", такое папярэджаньне невыпадковае: пошук новага юрыдычнага адрасу ў адміністрацыйных памяшканьнях ускладнены ня толькі аб`ектыўнымі прычынамі, але і няпростымі стасункамі зь мясцовымі ўладамі - бакі маюць прынцыпова адрозныя гледзішчы на пытаньне захаваньня гістарычнай спадчыны Гомельшчыны.
