Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аднавіўся сайт забароненай газеты ПАГОНЯ 16:21, 24/09/2003, www.hrodna.by
Сайт забароненай гарадзенскай газеты ПАГОНЯ пасля чатырохмесячнага перапынку аднавіў сваю працу.
- Сённяшнi выпуск ленты навiнаў pahonia.promedia.by – гэта заяўка на эксклюзiўны, аператыўны i аб’ектыўны iнфармацыйны прадукт. Маем намер паведамляць пра ўсе значныя падзеi, якiя адбываюцца ў Прынёманскiм краi, - з такімі словамі звярнуўся да наведвальнікаў сайта рэдактар iнтэрнэт-газеты ПАГОНЯ Мікола Маркевіч. - Мы хацелi б дайсцi да кожнага, хто выспавядае агульныя з намi каштоўнасцi. Мы марым пра тое, каб i для кожнага з вас наведванне нашага сайту стала маленькiм святам, глытком свабоды, спосабам i сродкам абмеркавання надзённых праблем.
Сайт будзе інфармаваць сваіх наведвальнікаў аб апошніх падзеях з гарадзенскага жыцця, асвятляць эканамічнае, палітычнае і культурнае жыццё горада. Асаблівая ўвага, па словах Міколы Маркевіча, будзе надавацца навінам з суседніх краінаў – Польшчы і Літвы. Аднак у сваіх публікацыях журналісты pahonia.promedia.by будуць выяўляць перш за ўсё беларускі погляд і беларускі інтарэс.
