Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Не абражайце памяць Васiля Быкава! 11:08, 29/09/2003, pahonia.promedia.by
Тэкст мемарыяльнай дошкi Васiлю Быкаву, зацверджаны яшчэ ўлетку гродзенскiм гарвыканкамам, выклiкаў абурэнне ў пiсьменнiцкiм асяроддзi. Беларускi ПЭН-цэнтр вырашыў накiраваць у гродзенскi гарвыканкам пратэстны лiст, каб прадухiлiць абразу памяцi народнага пiсьменнiка Беларусi.
Мемарыяльную дошку маюць устанавiць на доме №9 па вулiцы Парыжскай Камуны, дзе знаходзiлася апошняя гарадзенская кватэра Васiля Быкава. Улады (заўсёды чужыя i варожыя пiсьменнiку) iмкнуцца ўсiмi сродкамi прысабечыць ягоную славу. Таму ў тэксце выпячваюцца словы “Герой Социалистического Труда, лауреат Ленинской i Государственных премий”. На думку старшынi Беларускага ПЭН-цэнтра Лявона Баршчэўскага, гэта тыпова савецкая фразеалогiя прамiнулай бальшавiцкай эпохi. I ў цяперашняй сiтуацыi яна не ўзвышае i не ўшаноўвае памяць Васiля Выкава, а наадварот, абражае i прынiжае.
Пакуль скульптар Уладзiмiр Панцялеяў не ўзяўся за выкананне дошкi (а менавiта ён яе мае зрабiць), абразлiвы тэкст яшчэ не позна змянiць на больш прыстойны i годны памяцi Васiля Быкава. Можна напiсаць проста i зразумела: “Тут жыў i працаваў (даты) Народны пiсьменнiк Беларусi Васiль Быкаў”.
