Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Да галадоўкi таксiстаў у Ваўкавыску далучылiся яшчэ два чалавекi 11:24, 17/10/2003, pahonia.promedia.by
Яшчэ два чалавекi далучылiся сёння да галадоўкi ваўкавыскiх таксiстаў. «Iншага выйсця ў нас проста няма, - патлумачыў свой учынак Iван Матвейчык, якi распачаў галадоўку сёння. – Мы будзем галадаць, пакуль нам не вернуць машыны».
Саракагадовы Iван Матвейчык працуе ў “Радыётаксi 22222” паўтары гады. У хаце беспрацоўнага зараз кiроўцы засталiся жонка i двое непаўнагадовых дзетак.
Агулам у галадаваннi ў знак пратэсту супраць затрымання падаткавымi органамi 13 машынаў “Радыётаксi 22222” удзельнiчае 13 чалавек. Уладальнiк таксовак, iндывiдуальны прадпрымальнiк Мiкалай Аўтуховiч, не прымае ежу ўжо шосты дзень.
Мiкалай Аўтуховiч распачаў сваю акцыю пратэсту 11 кастрычніка. Двумя днямi раней Iнспекцыя падаткавага камiтэта па Гродзенскай вобласцi налiчыла прадпрымальнiку 273 мiльёны штрафных санкцыяў за парушэнне касавых аперацыяў. У забеспячэнне гэтай сумы ў мiнулы чацьвер “падаткавiкi” разам з супрацоўнiкамi ДАI затрымалi 11 “мэрсэдэсаў”-таксi, машына-эвакуатар i мiкрааўтобус “форд-транзiт”, якiя належаць прадпрымальнiку.
