У Ваўкавыску галадае ўжо 27 чалавек :: Хартыя'97 :: Навiны

Учора хуткая дапамога даставіла у ваўкавыскую райбальніцу яшчэ аднаго галадоўшчыка—Генадзя Альшэўскага, якому 35 гадоў. Ён адчуў сябе кепска і папрасіў калегаў выклікаць “хуткую”. Позаўчора ў бальніцу даставілі 24-гадовага Сяргея Мустафіна, які вырашыў працягваць галадаць у бальнічнай палаце. Абодва кіроўцы галадаюць тыдзень. Абодва—людзі сямейныя, маюць дзяцей. 22 кастрычніка да 14 галадоўшчыкаў далучыліся яшчэ 13. Яны абвесьцілі, што іхняя акцыя—бестэрміновая.

Кіроўцы прыватнага “Радыётаксі 22222” патрабуюць, каб падатковая служба вярнула арыштаваныя таксоўкі, а таксама каб ім зноў дазволілі працаваць. З 20 кастрычніка міністар транспарту прыпыніў на адзін месяц дзеяньне ліцэнзіі на пасажырскія таксаперавозкі, якая выдадзена прадпрымальніку Мікалаю Аўтуховічу, у якога паводле дамовы працавалі кіроўцы, паведамляе Радыё Свабода.

галадоўшчыкі

фота: Алесь Сіліч