Бабруйчанка Любоў Санкевіч галадае ўжо 27 дзён :: Хартыя'97 :: Навiны

Любоў Санкевіч адмаўляецца спыніць галадоўку пратэсту. Яна дамагаецца ад уладаў перагляду яе справы, аднаўленьня на адным з бабруйскіх прадпрыемстваў і расследваньня злоўжываньняў на ім.

Сёньня – 27-ы дзень галадоўкі. Нягледзячы на вельмі дрэннае самадчуваньне, сёньня жанчына вымушаная была выйсьці на працу (яна працуе касірам у гарадзкой лазьні), бо баіцца звальненьня. Адміністрацыя адмаўляецца прадаставіць ёй адпачынак, і заўтра Любоў мае намер падаць скаргу ў бабруйскую інспэкцыю працы.

Любоў Санкевіч гаворыць, што ёй млосна, яна пакутуе ад галаўнога болю і болю ў суставах. Дрэнна працуюць ныркі. Жанчына сьцвярджае, што такую працяглую галадоўку ёй удаецца вытрымаць дзякуючы навуковаму падыходу. Аднак ужо зараз, прызнаецца Любоў, стан здароўя такі, што ёй хочацца толькі спаць ды плакаць.

Любоў Санкевіч гаворыць, што не разумее, чаму Аляксандар Лукашэнка не адгукаецца на яе заклікі аб дапамозе і ня ўмешваецца ў сытуацыю. Жанчына працягвае галадоўку.