Чешский Комитет за свободную Беларусь поддержал «Вясну» :: Хартыя'97 :: Навiны

Чешский Комитет за свободную Беларусь выступил с заявлением в защиту ликвидированного властями правозащитного центра «Вясна». Комитет связывает закрытие «Вясны» со стремлением режима Александра Лукашенко задушить остатки гражданского сообщества в Беларуси. «Началось это несколько лет назад закрытием оппозиционных газет и радиостанций, продолжалось арестами и судами над журналистами, закрытием белорусских школ и ликвидацией неправительственных демократических структур», - говорится в заявлении.

Заява чэскага Камітэту за свабодную Беларусь

За апошнія месяцы на Беларусі быў дзяржаваю зьліквідаваны шэраг незалежных выданьняў, дзесяткі
грамадскіх арганізацый ды аб’яднаньняў. Масыўная ліквідацыйная кампанія, калі гэтыя арганізацыі за быццам бы памылкі ў вядзеньні дакумэнтацыі ў вымышленых судовых працэсах былі зьнішчаны, кульмінавала 28.10.2003 забаронаю Праваабарончага цэнтру «Вясна». Мы лічым гэтую забарону
працягам памкненьняў рэжыму Лукашэнкі задушыць рэшткі грамадзянскае супольнасьці на Беларусі, якія пачаліся некалькі год таму забаронаю апазіцыйных газэт і радыёстанцый, працягваліся арыштамі ды судамі над журналістамі, закрыцьцём беларускіх школаў і ліквідацыяй няўрадавых дэмакратычных суполак.

Арганізацыя «Вясна» ад часоў свайго заснаваньня ў 1996 годзе, калі пачаліся першыя масавыя арышты прадстаўнікоў апазіцыі, сталася самым аўтарытэтным цэнтрам, які ўсемі магчымымі спосабамі дапамагаў і бараніў правы людзей, якія праз сваю актыўнасьць трапілі пад ціск рэжыму. Актывісты «Вясны» зьбіралі інфармацыі пра ўціск правоў грамадзянаў Беларусі, аб парушэньнях падчас выбараў, няспынна зьвярталі ўвагу сьвятовай супольнасьці на занядбаны стан дэмакратыі ў лукашэнкаўскай Беларусі. Юрысты «Вясны» ў сотнях палітычных працэсаў абаранялі бязьвінных сябраў апазіцыйных рухаў ды іх прыхільнікаў.

Становішча на Беларусі мы бясперапынна ды ўважліва назіраем і падобныя практыкі дыктатарскіх рэжымаў нам добра вядомыя. Гэта ёсьць паказальнікам слабасьці ды страху дыктатараў, якія ймкнуца за любы кошт утрымаць уладу. Але й праз гэта яны нарэшце прайграюць і будуць змушаны адыйсьці ў нябыт. Мы верым, што й на Беларусі насуперак часовай перавазе рэжыму ў выніку пераможа свабодная супольнасьць сьвядомых грамадзянаў, а стане гэта найперш дзякуючы высілкам людзей і аб’яднаньняў, якімі ёсьць «Вясна».

Трымайцеся, мы з Вамі.

29.10.2003