«Навiнкi» спыняюць свае iснаванне :: Хартыя'97 :: Навiны

Сатырычная газета “Навiнкі” спыняе сваё iснаванне. Галоўны рэдактар штотыднёвiка Паўлюк Канавальчык не знайшоў у Беларусi нiводнай друкарнi, якая пагадзiлася б выдаваць газету.

“Навiнкi” ў маi бягучага году атрымала два папярэджаннi ад Мiнiстэрства інфармацыi, i яе выхад быў прыпынены на тры месяцы. Па заканчэннi гэтага тэрмiну аднавiць сваю дзейнасць газета не здолела. Спачатку супрацоўнiчаць з выданнем адмовiлiся ўсе менскiя друкарнi. Пасля гэтага Канавальчык распачаў пошукi магчымасцi друкаваць газету ў правiнцыi.

-- Куды толькi я не звяртаўся... Я цэлы тур па правiнцыйных друкарнях правёў. Маладэчна, Баранавiчы, Рэчыца, Орша... Паўсюдна адзiн адказ: “Мы вельмi занятыя i працаваць з вамi не зможам”, - паведаміў Канавальчык pahonia.promedia.by.

Галоўны рэдактар лiчыць, што такiя дзеяннi кiраўнiцтва друкарняў выклiканы цiскам на iх з боку ўлады.
Минск, Белоруссия